જામનગરમાં ગેસ સિલિન્ડર ફાટતાં 10 દુકાનો બળીને ખાખ

જામનગરઃ જામનગર જિલ્લાના મોટીખાવડીથી આગળ આવેલા મેપર પાટિયા પાસે આવેલ ઝૂંપડપટ્ટી જેવી દુકાનોમાં ગેસના સિલિન્ડર ફાટતા 10 જેટલી દુકાનો બળીને ખાખ થઈ ગઈ હતી. દુકાનની અંદર એક પછી એક એમ ગેસના સિલિન્ડર ફાટવાથી આ અકસ્માત સર્જાયો હતો.

આ ઘટનાની જાણ થતાં ચારે તરફ દોડધામ મચી ગઈ હતી અને નજીકમાં આવેલી રિલાયન્સ કંપનીના ફાયર ફાઈટરને જાણ થતાં તુરંત જ ઘટનાસ્થળે પહોંચી આવ્યા હતા અને આગને કાબૂમાં મેળવવાના પ્રયાસો હાથ ધરવામાં આવ્યા હતા. ખુબ જ લાંબી જહેમત બાદ આગ પર કાબૂ મેળવ્યો હતો.

આ સમગ્ર ઘટનામાં 10 જેટલી દુકાનો અને લાખોનો માલ બળીને ખાખ થઇ ગયો હતો, પરંતુ કુદરતની મહેરથી કોઈપણ પ્રકારની જાનહાની સર્જાઈ ન હતી.