ચંદીગઢઃ મોડી રાતે ચંદીગઢમાં એક નાઈટ ક્લબ અને રેસ્ટોરન્ટની બહાર બ્લાસ્ટ ((Blast in Chandigarh)નો મામલો સામે આવ્યો છે. માહિતી મળી રહી છે કે, સેક્ટર 26ના બે ક્લબ સેવિલ્લે અને દેવરા ક્લબની બહાર સવારે 3 વાગ્યે અજાણ્યા યુવકોએ બે દેશી બનાવટના બોમ્બ ફેંક્યા અને બ્લાસ્ટ કર્યો. જણાવવામાં આવી રહ્યું છે કે યુવક બાઈક પર સવાર થઈને આવ્યા હતા. તેઓ બોમ્બ ફેંકીને ભાગી ગયા હતા. સદનસીબે આ બ્લાસ્ટમાં કોઈ જાનહાની થઈ ન હતી. બ્લાસ્ટ એટલો જોરદાર હતો કે ક્લબના કાચ તૂટી ગયા હતા.
ચંદીગઢમાં બોમ્બ બ્લાસ્ટ! માહિતી મળતાં જ પોલીસ ઘટનાસ્થળે પહોંચી અને તપાસ શરૂ કરી હતી. એવું કહેવામાં આવી રહ્યું છે કે જે ક્લબ અને રેસ્ટોરન્ટની બહાર બ્લાસ્ટ થયા છે. તે બોલિવૂડ સિંગર બાદશાહનો છે. બ્લાસ્ટની માહિતી મળતાં જ ચંદીગઢ પોલીસની ટીમ ઘટનાસ્થળે પહોંચી ગઈ હતી. ફોરેન્સિક ટીમે મહત્વના પુરાવા પણ એકત્રિત કર્યા હતા. હાલ પોલીસ સીસીટીવી ફૂટેજનું વિશ્લેષણ કરવાનો પ્રયાસ કરી રહી છે. આ સાથે સ્થળ પર હાજર લોકો સાથે વાતચીત કરવામાં આવી રહી છે.
સવારે લગભગ 3 વાગ્યે બ્લાસ્ટ થયોઃ દેવરા-આલેહાઉસ એન્ડ કિચન રેસ્ટોરન્ટના કર્મચારી પુરણે કહ્યું, "અમે જોરદાર બ્લાસ્ટનો અવાજ સાંભળીને બહાર આવ્યા. દરવાજાનો કાચ તૂટી ગયો, જેના પછી અમે પોલીસને ફરિયાદ કરી. જ્યારે બ્લાસ્ટ થયો ત્યારે રેસ્ટોરન્ટમાં 7-8 કર્મચારીઓ હતા., સીસીટીવી કામ કરતા નથી. આ ઘટના સવારે લગભગ 3:15 વાગ્યે બની હતી, જ્યારે રેસ્ટોરન્ટ બંધ હતી."
#WATCH | Chandigarh: Pooran, an employee at De'Orra - Alehouse & Kitchen restaurant says " we came out after listening to a loud explosion. glasses of the door were broken after which we complained to the police. there were 7-8 workers inside the restaurant when the blast took… https://t.co/blie8dV5VB pic.twitter.com/QVIsV8xjaX
— ANI (@ANI) November 26, 2024
આરોપીઓ વિરુદ્ધ FIR નોંધાઈ: DSP દિલબાગ સિંહ ધાલીવાલે કહ્યું, "અમને કંટ્રોલ રૂમમાં માહિતી મળી કે અહીં કોઈ અંગત સમસ્યા છે. અમારા તપાસ અધિકારીએ જોયું કે અહીં કાચ તૂટેલા છે. હાલમાં અમે કંઈ કહી શકતા નથી. ફોરેન્સિક ટીમ આવી ગઈ છે. સવારે લગભગ 12 વાગ્યે અમને ફોન આવ્યો. અમે હમણાં જ FIR નોંધી છે. અમે હમણાં જ તપાસ શરૂ કરી છે."
સીસીટીવી ફૂટેજ સામે આવ્યા: ચંદીગઢ બ્લાસ્ટ કેસમાં સીસીટીવી ફૂટેજ સામે આવ્યા છે. વીડિયોમાં એક યુવક ક્લબ તરફ કંઈક ફેંકતો જોવા મળી રહ્યો છે. જે પછી જોરદાર બ્લાસ્ટ થાય છે. આ પછી યુવક સ્થળ પરથી ભાગી જાય છે.
#WATCH | DSP Dilbag Singh Dhaliwal says, " we got information in the control room that there was some personal problem here. our investigating officer saw glass was broken here. at the present moment, we cannot say anything. the forensic team has arrived. we got the call at around… https://t.co/blie8dV5VB pic.twitter.com/I2G8TOeOc5
— ANI (@ANI) November 26, 2024
પોલીસ તપાસમાં લાગી, આરોપી ફરાર: પોલીસના જણાવ્યા અનુસાર, પ્રાથમિક તપાસમાં જાણવા મળ્યું છે કે આ એક દુશ્મનાવટનો મામલો છે. જેના કારણે આ બ્લાસ્ટ(Blast in Chandigarh) ભય ફેલાવવા માટે કરવામાં આવ્યો છે. ફોરેન્સિક ટીમ પુરાવા એકત્ર કરી રહી છે. ચંદીગઢ પોલીસના અધિકારીઓ ઘટનાસ્થળ પર હાજર છે. આરોપીઓને પકડવાના પ્રયાસો ચાલુ છે.
આ પણ વાંચો:
