ધ્રોલ: નગરપાલિકા દ્વારા જુદા-જુદા વિસ્તારમાં જરૂરી વિકાસના કામોનું ખાતમુહૂર્ત કરવામાં આવ્યું હતુ. જેમાં રૂપિયા 5.50 કરોડના નવા કામો કરવામાં આવશે. ધ્રોલ ગજાનંદ સોસાયટીનો 25 લાખના ખર્ચે પુલ બનાવવામાં આવશે. બૂમતરીયાની વાડી તરફ જવાના રસ્તાનો પુલ 8.80 લાખના ખર્ચે બનાવવામાં આવશે. પ્રગટેશ્વર મહાદેવ મંદિરની પાછળ આવેલા લતીપર રોડને રૂપિયા 9.9 લાખના ખર્ચે બનાવવામાં આવશે. આવા અનેક લોક ઉપયોગી વિકાસના કામોનું ખાતમુર્હૂત કરવામાં આવ્યુ હતુ.
આ તકે ધ્રોલ નગરપાલિકા પ્રમુખ જયશ્રીબેન પરમાર, ઈરફાનભાઇ, કલ્પેશ હડીયલ, વિરોધ પક્ષના નેતા સહિત નગરપાલિકા કોર્પોરેટરો તેમજ ધ્રોલ શહેરના આગેવાનો અને કાર્યકરો હાજર રહ્યા હતા. હવે જોવું રહ્યું કે કરવામાં આવેલા નવા કામો સારી ગુણવત્તામા વહેલામાં વહેલી તકે પૂર્ણ થાય છે કે નહીં.
