જામનગરના ઠેબા નજીક ઇકો અને રિક્ષા વચ્ચે અકસ્માત, બે વ્યક્તિના મોત

જામનગર તાલુકાના ઠેબા ગામ નજીક પેસેન્જર રીક્ષા અને ઇકો વાહન વચ્ચે અકસ્માત થયો હતો. આ અકસ્માતમાં બે વ્યક્તિના ઘટના સ્થળે મોત નિપજ્યા હતાં. જ્યારે અન્ય છ વ્યક્તિઓને નાની-મોટી ઇજાઓ પહોંચતાં ઇજાગ્રસ્તોને 108 એમ્બ્યુલન્સ દ્વારા સારવાર માટે જામનગરની જી.જી. હોસ્પિટલમાં ખસેડવામાં આવ્યા હતાં. બનાવની જાણ થતાં પોલીસ હોસ્પિટલ પહોંચી ગઇ હતી અને આગળની કાર્યવાહી હાથ ધરી હતી.

• જામનગરના ઠેબા નજીક અકસ્માત
• અકસ્માતમાં બે વ્યક્તિના મોત
• ઇજાગ્રસ્તોને જી.જી. હોસ્પિટલમાં ખસેડાયા

જામનગર : ઠેબા ગામ નજીક પેસેન્જર રીક્ષા અને ઇકો વાહન વચ્ચે અકસ્માત થયો હતો. આ અકસ્માતમાં બે વ્યક્તિના ઘટના સ્થળે મોત નિપજ્યા હતાં. જ્યારે અન્ય છ વ્યક્તિઓને નાની-મોટી ઇજાઓ પહોંચતાં ઇજાગ્રસ્તોને 108 એમ્બ્યુલન્સ દ્વારા સારવાર માટે જામનગરની જી.જી. હોસ્પિટલમાં ખસેડવામાં આવ્યા હતાં. બનાવની જાણ થતાં પોલીસ હોસ્પિટલ પહોંચી ગઇ હતી અને આગળની કાર્યવાહી હાથ ધરી હતી.

અન્ય છ વ્યકિતઓને નાની-મોટી ઇજાઓ

ગમખ્વાર અકસ્માતની વિગત મુજબ જામનગર તાલુકાના ઠેબા ગામ નજીક પેસેન્જર રિક્ષા અને ઇકો વાહન સામસામા અથડાતાં અકસ્માત સર્જાયો હતો. આ અકસ્માતમાં મોડપર ગામમાં રહેતાં પ્રેમજીભાઇ નામના વૃધ્ધ સહિત બે વ્યક્તિઓના ઘટના સ્થળે જ કમકમાટીભર્યા મોત નિપજ્યાં હતાં. જ્યારે અન્ય છ વ્યકિતઓને નાની-મોટી ઇજાઓ પહોંચી હતી. અકસ્માતના બનાવની જાણ થતાં 108 એમ્બ્યુલન્સની ટીમ ઘટના સ્થળે પહોંચી ગઇ હતી અને ઘવાયેલા નસરીમબેન રફીકભાઇ મલેક , આરજુબેન સલીમભાઇ લાખાણી , સહેનાઝબેન ઝુનેદભાઇ સહિતના છ વ્યક્તિઓને નાની મોટી ઇજાઓ પહોંચી હતી. ઇજાગ્રસ્તોને 108 એમ્બ્યુલન્સ દ્વારા સારવાર માટે જામનગરની જી.જી. હોસ્પિટલમાં ખસેડવામાં આવ્યા હતાં.

અકસ્માતના બનાવની જાણ થતાં પોલીસ કાફલો ઘટના સ્થળે

અકસ્માતના બનાવની જાણ થતાં પોલીસ કાફલો ઘટના સ્થળે દોડી ગયો હતો અને કાર્યવાહી હાથ ધરી હતી. અકસ્માતમાં બે વ્યકિતઓના મોત નિપજતાં પોલીસે મૃતદેહોના પીએમ કરાવી ઓળખ કરી આગળની કાર્યવાહી હાથ ધરી હતી.