ગીર સોમનાથ જિલ્લાની અંતિમ મતદારયાદી જાહેર, 33 વોર્ડમાં 2.25 લાખ મતદારો નોંધાયા

આગામી સ્થાનિક સ્વરાજની ચૂંટણીને લઈને ગીર સોમનાથ જિલ્લામાં 2.25 લાખથી વધુ મતદારો નોંધાયા છે. જિલ્લા ચૂંટણી પંચ દ્વારા તાજેતરમાં જ 5 નગરપાલિકાના 33 વોર્ડનાં 2.25 લાખથી વધુ લોકોની અંતિમ મતદાર યાદી પ્રસિદ્ધ કરવામાં આવી છે.

• 5 નગરપાલિકાના 33 વોર્ડની ચૂંટણીમાં 225757 મતદારો
  
• સૌથી વધુ મતદારો વેરાવળ-પાટણ સંયુક્ત નગરપાલિકામાં
  
• સૌથી ઓછા મતદારો કોડીનાર નગરપાલિકામાં નોંધાયા
  
  

ગીર સોમનાથ: ગીર-સોમનાથ જિલ્લામાં આવેલી 5 નગરપાલિકાઓમાં આગામી 21 ફેબ્રુઆરીનાં રોજ ચૂંટણી યોજાવા જઈ રહી છે. ત્યારે સ્થાનિક પ્રશાસન ચૂંટણીલક્ષી કામગીરીમાં લાગી પડ્યું છે. ચૂંટણી અગાઉ જિલ્લા ચૂંટણી અધિકારી દ્વારા 33 વોર્ડના 2.25 લાખથી વધુ મતદારોની અંતિંમ મતદાર યાદી જાહેર કરવામાં આવી છે.

જિલ્લા ચૂંટણી અધિકારી દ્વારા જાહેર કરાયેલી અંતિમ મતદાર યાદી

નગરપાલિકા	વોર્ડ	મતદાન મથકો	કુલ મતદારો	પુરૂષ	મહિલાઓ
વેરાવળ પાટણ	11	130	1,40,093	71,242	68,850
ઉના	09	45	45,788	23,540	22,248
તાલાળા	06	18	17,928	9,243	8,685
સુત્રાપાડા	06	18	17,901	9,045	8,856
કોડીનાર	01	05	4,047	2,087	1,960

કોરોનાને કારણે મતદાન મથકો વધારવામાં આવ્યા

ગત વખતે યોજાયેલી સ્થાનિક સ્વરાજ્યની ચૂંટણી કરતા આ વખતેની ચૂંટણીમાં મતદાન મથકોમાં વધારો કરવામાં આવ્યો છે. જેની પાછળનું કારણ કોરોના મહામારી હોવાનું સત્તાવાર સૂત્રો પાસેથી જાણવા મળ્યું છે. કોરોનાને કારણે મતદાન મથકોની સંખ્યામાં વધારો કરવાની સાથે સાથે ચૂંટણી પંચ દ્વારા ચૂંટણી સમયે કોરોના ગાઈડલાઈનનો ચુસ્ત અમલ થાય, તેની પણ તકેદારી રાખવામાં આવશે.