રાજ્યના સ્ટેટ ઇમરજન્સી ઓપરેશન સેન્ટર દ્વારા મળતા આંકડા પ્રમાણે રાજ્યમાં સિઝનનો અત્યાર સુધીનો કુલ 90.92 ટકા વરસાદ નોંધાયો છે. જેમાં સિઝનમાં 0થી 50 મિમી વરસાદ વરસ્યો હોય તેવા 0 તાલુકા, 51થી 100 મિમી વરસાદ વરસ્યો હોય તેવા 0 તાલુકા, 126-250 મિમી વરસાદ વરસ્યો હોય તેવા 6 તાલુકા, 251-500 મિમી વરસાદ વરસ્યો હોય તેવા 81 તાલુકા જ્યારે 500થી 1000 મિમી વરસાદ વરસ્યાં હોય તેવા 113 તાલુકા, 1000 મિમી કરતાં વધુ વરસાદ વરસ્યો હોય તેવા 51 તાલુકા નોંધાયા છે.
રાજ્યમાં થયેલ સાર્વત્રિક વરસાદને પરિણામે આજ સુધીમાં 204 જળાશયોમાં હાલ3,97,817.46 એમ.સી.એફ.ટી. જળસંગ્રહ થયો છે. એટલે કે 71.94 ટકા જેટલો જળસંગ્રહ તમામ જળાશયોમાં થયો છે. સરદાર સરોવર જળાશયમાં હાલ 2,81,241.60 એમ.સી.એફ.ટી. પાણીનો સંગ્રહ છે જે કુલ સંગ્રહશક્તિના 84.18% છે.
રાજ્યના 30 જળાશયો 100 ટકા કે તેથી વધુ ભરાયા છે. 56 જળાશયો 70 થી 100 ટકાની વચ્ચે, 23 જળાશયો 50 થી 70 ટકાની વચ્ચે અને 58 જળાશયો 25 ટકાથી ઓછા ભરાયા છે.
