ગાંધીનગર: મુખ્ય પ્રધાન વિજય રૂપાણીએ 'મોકળા મને' કાર્યક્રમ અંતર્ગત ચર્ચામાં રાજ્યના લોકો અને પાંજરાપોળ સંચાલકો સાથે ચર્ચા કરી હતી. આ ચર્ચામાં ભાગ લેવા આવેલા સ્વામિનારાયણ સંસ્થાના સ્વામીએ મુખ્ય પ્રધાનને સૂચન કર્યું હતું કે, તુર્કીની રોબોટિક સિસ્ટમનો ઉપયોગ કરવામાં આવે તો રાજ્યના પશુધનને બારેમાસ લીલો ઘાસચારો મળી રહે.
ગાયોને લીલું ઘાસ મળે તેવા સીએમના વિચારનો સ્વામિનારાયણ સંસ્થાએ અમલ કર્યો
ગાંધીનગરમાં આ સિસ્ટમથી લીલું ઘાસ ઉત્પન કરવામાં આવે છે જેમાં પાણીનો વધારે વ્યય થતો પણ અટકાવી શકાય છે અને ઓછા પાણીમાં સારું ઘાસ તૈયાર થઈ શકે છે. આ સિસ્ટમને જોવા માટે રાજ્યના મુખ્ય પ્રધાન વિજય રૂપાણીને સ્વામિનારાયણ સંસ્થા દ્વારા આમંત્રણ આપવામાં આવ્યું છે.
