2036 Summer Olympics: ગુજરાતના યુવાનો રમત ક્ષેત્રે આગળ વધે તે સરકારનું આયોજન, જિલ્લા અને તાલુકા કક્ષાએ બનશે સ્પોર્ટ્સ સંકુલ

કેન્દ્ર સરકાર વર્ષ 2036 ના ઓલમ્પિકની તૈયારીઓ શરૂ કરી દીધી છે પણ ગુજરાતમાં હજુ સ્પોર્ટ્સ પ્રત્યે ઓછો રસ છે. માળખાગત સુવિધાઓ પણ ઓછી છે ત્યારે હવે રાજ્ય સરકાર દ્વારા યુવાઓમાં સ્પોર્ટ્સની રુચિ વધે અને ગુજરાતનું રમત ગમતમાં આગેવાની મજબૂત થાય તે માટે રાજ્ય સરકારે રાજ્યના તમામ જિલ્લા અને તાલુકા કક્ષાએ સ્પોર્સ સંકુલ બનાવવાનું આયોજન કર્યું છે.

ગાંધીનગર: રાજ્ય સરકારે વર્ષ 2022-23 ના બજેટમાં સ્પોર્ટ્સ માટે પણ 517 કરોડ રૂપિયાના બજેટની ફાળવણી કરી હતી. જેમાં વલસાડ, ગીર-સોમનાથ, બોટાદ, દેવભૂમિ દ્વારકા, મોરબી, મહીસાગર, અરવલ્લી, સુરત અને નવસારી ખાતે જિલ્લા કક્ષાના સ્પોર્ટસ સંકુલ માટે 47 કરોડ જિલ્લા કક્ષાએ સ્પોર્ટસ સ્કૂલ(ડી.એલ.એસ.એસ.)માં 39 શાળાઓના અંદાજે 4350 વિદ્યાર્થીઓને સવલતો પૂરી પાડવા 43 કરોડની જોગવાઈ કરવામાં આવી હતી. સુરતમાં 5 કરોડના ખર્ચે આંતરરા્ટ્રીય કક્ષાનું સ્પોર્ટ્સ સંકુલ બનાવવાનું આયોજન સરકાર દ્વારા કરવામાં આવ્યું છે.

કયા જિલ્લામાં સ્પોર્ટ્સ સંકુલ કાર્યરત થયા: અમદાવાદના ખોખરા અને નરોડા, અમરેલી, આણંદ, બનાસકાંઠાના પાલનપુર, ભાવનગર, દાહોદના દેવગઢ બારિયા, ડાંગના સાપુતારા, જામનગર, કચ્છ, ખેડા, મહેસાણા, નર્મદાના રાજપીપળા, પંચમહાલના ગોધરા, પાટણ, પોરબંદર, રાજકોટ, સાબરકાંઠાના હિંમતનગર, સુરેન્દ્રનગર, બરોડાના વાઘોડિયા ખાતે અત્યાર સુધીમાં સ્પોર્ટ્સ સંકુલ બની ચુક્યા છે.

જીલ્લા અને તાલુકા સ્પોર્ટ્સ સંકુલની કામગીરી પુરજોશમાં: જિલ્લા કક્ષાની વાત કરવામાં આવે તો અરવલ્લી, છોટાઉદેપુર, ગાંધીનગર, ગીર સોમનાથ, દેવભૂમિ દ્વારકા, જુનાગઢ, નવસારી, ભરૂચ અને બોટાદ જિલ્લામાં સ્પોર્ટ સંકુલ માટેના કામગીરી પણ શરૂ કરવામાં આવ્યું છે. જ્યારે સુરતના ભીમરાડ ખાતે આયોજન કરવામાં આવેલ સ્પોર્ટ સંકુલની જમીનનું પણ આઈડેન્ટિફિકેશન સાથે જમીન સંપાદનની કામગીરી શરૂ છે. આમ કુલ 35 જેટલા જિલ્લા કક્ષાએ સ્પોર્ટ્સ સંકુલ તૈયાર કરવામાં આવશે. જેમાં અત્યારે 21 સ્પોર્ટ્સ સંકુલ કાર્યરત છે. એક સ્પોર્ટ્સ સંકુલ કે જે તાપી વ્યારામાં તૈયાર થઈ રહ્યું છે. સમગ્ર બાબતે રાજયકક્ષાના રમત ગમત પ્રધાન હર્ષ સંઘવીએ જણાવ્યું હતું કે તમામ જિલ્લા અને તાલુકામાં યુવાઓને રમત ગમત ક્ષેત્રે તૈયાર કરવા માટે વિશ્વ કક્ષાના સંકુલ તૈયાર કરવામાં આવી રહ્યા છે. ખેલ મહાકુંભ અને ઓલમ્પિકમાં ગુજરાતના યુવાઓનું નેતૃત્વ વધશે.

આ પણ વાંચો Indian Railways : દક્ષિણ ભારતના યાત્રાધામના દર્શન કરવામાં હવે નહીં પડે અગવડ, IRCTCએ શરૂ કરી નવી ટ્રેન

તાલુકા કક્ષાએ સ્પોર્ટ્સ સંકુલ થશે તૈયાર: આ ઉપરાંત તાલુકા કક્ષાએ પણ કુલ 34 જેટલા સ્પોર્ટ્સ સંકુલ તૈયાર કરવામાં આવશે જેમાં અત્યાર સુધીમાં ફક્ત ત્રણ જ સ્પોર્ટ સંકુલ કાર્યરત થયા છે. બાકીના 31 જેટલા સ્પોર્ટ સંકુલની કામગીરી રાજ્ય સરકારે હાથ ધરી છે. જે પૈકી એક સ્પોર્ટ્સ સંકુલ કે જે રાજકોટના જસદણ ખાતે તૈયાર થયું છે તેની ટેન્ડર પ્રક્રિયા પૂર્ણ થઈ છે. અમરેલી, ભરૂચ, નર્મદા અને વલસાડ તાલુકાની સ્પોર્ટ્સ સંકુલના ટેન્ડરની પ્રક્રિયા હાથ ધરવામાં આવી છે. જ્યારે 18 જેટલા સ્પોર્ટ્સ સંકુલની જમીન સંપાદનની કામગીરી સરકારે હાથ ધરી છે.

આ પણ વાંચો Khodaldham Temple History: રાજકીય મહત્વ ધરાવતા ખોડલધામ મંદિરને પુરા થયા 6 વર્ષ

પોકેટ સિસ્ટમથી રમતવીરોની થશે પસંદગી: ખેલ મહાકુંભમાં ગુજરાત રાજ્યના તમામ જિલ્લાના રમતવીદોએ ભાગ લીધો હતો ત્યારે ગુજરાત સ્પોર્ટ્સ ઑથોરિટી દ્વારા એક ખાસ રિસર્ચ કરવામાં આવ્યું છે. જેમાં સ્પેસિફિકેટ જિલ્લાઓમાંથી અમુક પ્રકારના જ રમતવીરોની પસંદગખેલ મહાકુંભમાં ગુજરાત રાજ્યના તમામ જિલ્લાના રમતવીદોએ ભાગ લીધો હતો. ગુજરાત સ્પોર્ટ્સ ઑથોરિટી દ્વારા એક ખાસ રિસર્ચ કરવામાં આવ્યું છે જેમાં સ્પેસિફિકેશન જિલ્લાઓમાંથી અમુક પ્રકારના જ રમતવીરોની સામે આવ્યા છે. તાલુકા અને જિલ્લા કક્ષાએ બનનાર આ સ્પોર્ટ્સ સંકુલમાં જે જિલ્લામાં જે રમતવીરો વધારે પ્રકારના હશે તેવા લોકો પર વધુ મહેનત કરવામાં આવશે. આવનારા દિવસોમાં યોજાનાર ખેલ મહાકુંભ અને ઓલમ્પિકમાં પણ આ રમતવીરોને તે દિશા હેઠળ તૈયાર કરવામાં આવશે.