અમદાવાદઃ અશ્વિનીકુમારે વધુમાં જણાવ્યું હતું કે શાળા સંચાલકો સાથે મુખ્યપ્રધાન વિજય રૂપાણી અને રાજ્યના શિક્ષણ પ્રધાન ભૂપેન્દ્રસિંહ ચૂડાસમા સાથે બેઠક કરવામાં આવી હતી. આ બેઠકમાં રાજ્યમાં એક પણ શાળાઓ ફી વધારો કરશે નહીં. સાથે જ લૉક ડાઉન પૂરૂં થયા પછી શાળાઓ ફીની વસુલાત માટે કોઇ ઉતાવળ નહી કરે એટલું જ નહીં, વાલીની આર્થિક સ્થિતિ અને અનુકૂળતા મુજબ જરૂર જણાયે ૬ મહિના સુધી ફી ભરવાની મર્યાદા વધારી આપવામાં આવશે.
નવા શૈક્ષણિક વર્ષથી કોઈપણ શાળા ફી નહીં વધારી શકે, યુનિવર્સિટીની પરીક્ષાનો આધાર યુજીસી પર : અશ્વિનીકુમાર • નવું શૈક્ષણિક વર્ષ 1 જૂનની આસપાસ શરૂ થશે.• ત્રિમાસિકને બદલે માસિક ફી ભરવાની પણ સંમતિ અપાશે.• ધોરણ-૧૦ અને ૧રની બોર્ડની પરીક્ષાના પેપરોની કેન્દ્રીય મૂલ્યાંકન કામગીરી તા. ૧૬ એપ્રિલ ગુરૂવારથી શરૂ થશે.• આ કામગીરીમાં જોડાનારાં શિક્ષકોની સુરક્ષા-સલામતી, સોશિયલ ડીસ્ટન્સિંગ નોમ્સ વગેરેની વ્યવસ્થા રાજ્ય સરકાર કરશે, તેમ જ જ્યાં જરૂર જણાય ત્યાં વધારાના ઓરડાઓની વ્યવસ્થા પણ આ હેતુસર કરવામાં આવશે.• રાજ્યની કોલેજો અને યુનિર્વસિટીઝમાં તા. ૧પ એપ્રિલથી ૧૬ મે સુધી એક માસનું વેકેશન જાહેર કરવામાં આવ્યું છે. • કોલેજો-યુનિર્વસિટીઓની પરીક્ષા બાબતે હવે પછી યુ.જી.સી.ના પરામર્શમાં રહીને નિર્ણય કરવામાં આવશે.• આગામી વર્ષના શૈક્ષણિક સત્રના વર્ષ માટે પણ યુ.જી.સી.ના પરામર્શમાં રહી નિર્ણય કરાશે.
