ગાંધીનગરઃ મંગળવારના રોજ સાવલીના ધારાસભ્ય કેતન ઈમાનદારે તેમના વિસ્તારના ખેડૂતોને નુકસાન બદલ સહાય ચૂકવાય તેવી મુખ્યપ્રધાનને રજૂઆત કરી છે. તે માટે તેમણે મધ્ય ગુજરાતનો સર્વે કરવાની પણ તૈયારી દર્શાવી છે. આ માટે મુખ્યપ્રધાનએ હકારાત્મક જવાબ આપ્યો છે, તેવુ તેમણે જણાવ્યુ છે.
ખેડૂતોને સહાયની મુખ્યપ્રધાનની જાહેરાત બાદ પોતાના વિસ્તારના ખેડૂતોને રાહત મળે તેવી ધારાસભ્યોની માંગ
જયારે કોંગ્રેસના પાટણના ધારાસભ્ય કિરીટ પટેલે જણાવ્યું છે કે, તેમના વિસ્તારની બાદબાકીથી ખેડૂતોને નુકસાન જશે અને તેમના વિસ્તારના ખેડૂતોને સહાય નહીં ચુકવવામાં આવે તો તેઓ ઉગ્ર આંદોલન કરશે. આમ દરેક ધારાસભ્ય પોતપોતાના વિસ્તારમાં પ્રજાને પોતાના કામો દેખાડવા માટે ઉત્સુક છે.
