ન્યૂઝ ડેસ્કઃ કોરોના સામે જંગ લડવા માટે આરોગ્ય વિભાગ સજ્જ થયું છે, ત્યારે કોરોના અટકવાનું નામ નથી લઇ રહ્યો. રવિવારે સવારે અમદાવાદમાં 3 પોઝિટિવ કેસ નોંધાતા રાજ્યમાં કુલ 63 દર્દી થયા હતા, પરંતુ બપોર બાદ વધુ 6 કેસ પોઝિટિવ નોંધાતા રાજ્યમાં પોઝિટિવ કેસનાં આંક 69 પર પહોંચ્યો છે. તેમજ સુરતમાં અને રાજકોટમાં વધુ એક-એક નવા કેસ,અમદાવાદમાં એક પોઝિટિવ કેસ નોંધાતાની સાથે જ ગુજરાતમાં કોરોનાના કુલ પોઝિટિવ કેસ 73 થયા છે. આ ઉપરાંત અત્યાર સુધી કોરોનાના કારણે રાજ્યમાં 6 લોકોએ પોતાનો જીવ ગુમાવ્યો છે.
જાણો ક્યા શહેરમાં કેટલા કેસ પોઝિટિવ
- અમદાવાદ-25 (3 મોત)
- ગાંધીનગર-9
- વડોદરા-9
- રાજકોટ-10
- સુરત-9 (1 મોત)
- ગીર સોમનાથ-2
- કચ્છ-1
- મહેસાણા-1
- પોરબંદર-1
- ભાવનગર-6 (2 મોત)
5 મહાનગર હોટ સ્પોટ જાહેર
રાજ્યમાં સૌથી વધુ કેસ અમદાવાદ, સુરત, વડોદરા, રાજકોટ અને ગાંધીનગરમાં નોંધાયા છે. જેથી, આ 5 મહાનગર કોરોના માટે હોટસ્પોટ બની ગયાં છે. મહાનગરપાલિકા દ્વારા આ 5 મહાનગરમાં હાઉસ ટુ હાઉસ સર્વે કરવામાં આવશે. આ ઉપરાંત જે લોકોના સંપર્કમાં આવ્યા છે અને જે મોટી ઉંમરના લોકો છે તેમની તપાસ કરવામાં આવશે.
