દેવભૂમિ દ્વારકાઃ ગ્રીન ઝોન દ્વારકામાં બે લોકોને કોરોના વાઇરસ પોઝિટિવ આવતા બંને લોકોના સંપર્કમાં આવેલા કુલ 30થી વધુ લોકોને દ્વારકા ખાતે કવોરન્ટાઈન કરવામાં આવ્યા હતા.
શનિવારે મોડી રાત્રે દેવભૂમિ દ્વારકા જિલ્લાની આરોગ્ય ટીમ બેટ દ્વારકા પહોંચી હતી અને બંને પોઝિટિવ કેસની ટ્રાવેલ્સ હિસ્ટ્રી તપાસ કરી હતી. તેમજ તેમની સંપર્કમાં આવેલા બેટ દ્વારકાના અન્ય 30થી વધુ લોકોને શોધ્યા હતા.
જેમાં ઓખા-બેટ વચ્ચે ચાલતી ફેરી બોટના કર્મચારીઓ અને આ બંને પોઝિટિવ કેસ જે રિક્ષામાં ગયા હતા. તે રિક્ષા ડ્રાઇવર અને તેના પરિવારને પણ દ્વારકા સરકારી સેન્ટરમાં કવોરન્ટાઈ કરવામાં આવ્યા હતા.
