2014માં ભાજપના જશંવતસિંહ ભાભોર 2 લાખ 30 હજાર મતથી જીત મેળવી હતી. દાહોદ લોકસભા વિસ્તારમાં કુલ 7 વિધાનસભા બેઠક આવે છે. રાજ્યકક્ષાના આદિજાતી પ્રધાન અને દાહોદના સાંસદ જશંવતસિંહ ભાભોરને 5 પાંચ વર્ષમાં 25 કરોડની ગ્રાન્ટ મળી હતી. જેમાંથી તેઓએ 24.50 કરોડની ગ્રાન્ટના વિકાસ કામો કર્યાં છે. ભાભોરે 5 વર્ષમાં બે ગામ દત્તક લીધા છે, જેમાંથી મુણધા ગામ આજે પણ વિકાસથી વંચિત રહ્યું છે.
દાહોદમાં ખેડૂતોને સિંચાઇના પાણી માટેની સમસ્યા આજે પણ યથાવત છે. અહીં લોકોને પીવાનું પાણી મળ્યું નથી. આ ઉપરાંત કોઇ ઇન્ડસ્ટ્રીઝ ન હોવાથી બેરોજગારીનો પ્રશ્ન યુવાનો માટે માથાનો દુઃખાવો બન્યો છે. 90 ટકા જેટલો આદિવાસી વિસ્તાર ધરાવનાર આ બેઠકના સમાજિકરણમાં પણ આદિજાતિ સંસ્કૃતિના પ્રભાવ રહેલો છે. જેથી આ બેઠક પર હંમેશા આદિવાસી ઉમેદવારો જ જીતતા આવ્યાં છે.
આ વખતે દાહોદ લોકસભા બેઠક પર ભાજપે વર્તમાન સાંસદ જશંવતસિંહ ભાભોર રિપીટ કર્યાં છે, જ્યારે કોંગ્રેસે ભાજપમાંથી કોંગ્રેસમાં ગયેલા બાબુ કટારાને ટિકિટ આપી છે. બાબુ કટારા ભૂતકાળમાં કબૂતરબાજીમાં સંડોવાયેલા હોવાનું પણ બહાર આવી ચૂક્યું છે. આદિવાસીલક્ષી યોજના, મોદી ફેક્ટર સહિત મજબૂત સંગઠનના આધારે ભાજપ માટે આ બેઠક મુશ્કેલૂ ભરી નથી.
