સેલવાસ: કલેક્ટર સંદીપ કુમારે ખુલાસો કર્યો હતો કે, થોડા દિવસ પહેલા પ્રદેશમાંથી કેટલાક તબલીગી જમાતના લોકો નિજામુદ્દીન મરકજ કાર્યક્રમમાં ગયા હતાં. જેના પર પ્રશાસને નજર રાખી હતી. જેમાંથી 2 લોકોને વલસાડ પોલીસને સોંપ્યા હતાં. જ્યારે 3 લોકોને બીજનૌરમાં જ અટક કરી ત્યાં તેઓ પ્રશાસનની દેખરેખ હેઠળ છે. ઉપરાંત એક અન્ય વ્યક્તિને પણ ટ્રેસ કરવામાં આવ્યો છે અને તે પણ દાદરા નગર હવેલીમાં નથી. ટૂંકમાં નિજામુદ્દીન મરકજ કાર્યક્રમમાં જનારા એકપણ વ્યક્તિ દાદરા નગર હવેલીમાં નથી. જે 6 લોકોના સમાચારો સ્થાનિક સમાચાર ચેનલોમાં પ્રસારિત થયા છે. તે સંપૂર્ણ સાચા નથી.
ઉલ્લેખનીય છે કે નિજામુદ્દીન મરકજ કાર્યક્રમમાં હાજરી આપવા ગયેલા 39માંથી 24 લોકો વલસાડ જિલ્લામાં પરત આવ્યા છે. વલસાડ જિલ્લા આરોગ્ય વિભાગ અને પોલીસતંત્ર તપાસમાં જોતરાઈ ગઈ છે. તેવા સમાચાર સાથે સંઘ પ્રદેશ દમણ અને દાદરાનગર હવેલીના પણ લોકોનો સમાવેશ થતો હોવાના સમાચાર પ્રસારિત થયા હતા. જેમાં દાદરાનગર હવેલીના 6 લોકો અને દમણના 3 લોકો હોવાની વિગતો આપી હતી.
