છોટાઉદેપુરમાં પાવીજેતપુર સ્ટેશન વિસ્તારમાંથી રાતોરાત 4 બાઈકની ચોરી

છોટાઉદેપુર જિલ્લાના પાવીજેતપુર સ્ટેશન વિસ્તારમાં મોટી રાસલી રોડ ઉપર એક જ રાત્રિમાં ચાર બાઈકોની ઉઠાંતરી થઈ જતાં નગરમાં હાહાકાર મચ્યો છે. પોલીસે અજાણ્યા શખ્સો સામે ગુનો નોંધી કાયદેસરની કાર્યવાહી હાથ ધરી છે.

• ઠંડીનો ચમકારો વધતા બાઈક ચોરો સક્રિય
• પાવીજેતપુરમાં એક જ રાત્રીના ચાર બાઈકની ઉઠાંતરી
• બાઈકોની ઉઠાંતરી થતા નગરમાં ચકચાર મચી
• પોલીસે ગુનો નોંધી આગળની કાર્યવાહી હાથ ધરી
  

  છોટાઉદેપુરમાં પાવીજેતપુર સ્ટેશન વિસ્તારમાંથી રાતોરાત 4 બાઈકની ચોરી

છોટાઉદેપુરઃ જિલ્લાના પાવીજેતપુર રેલવે સ્ટેશનની સામે મોટી રાસલી રોડ ઉપર રહેતા વિરલકુમાર સુનિલકુમાર દવેએ પોતાની બાઈકને લોક કરી ઘરઆંગણે મૂકી હતી. જોકે,સવારે ઊઠતા બાઈક ત્યાં જોવા ન મળી હતી. આજુબાજુ તપાસ કરતા ખબર પડી હતી કે, ફળિયામાં જ રહેતા રાહુલ મહેશભાઈ રાણાની બાઈક પણ ગાયબ હતી. તેમ જ તે જ વિસ્તારમાં રહેતા ખાંટ યશવંતકુમાર હાથીની અને ભાનુસિંગ રામસિંગ કુલચાની આગલી રાત્રે જ રૂ. 94 હજાર કિંમતની નવી બાઈક ગાયબ હતી. એટલે કે એક જ રાતમાં ચોરોએ રૂ. 1,79,000 કિંમતની બાઈક ચોરી કરી લીધી હતી.

ઠંડીનો ચમકારો વધતા બાઈક ચોરોની ગેંગ સક્રિય થઈ

પાવીજેતપુર પંથકમાં ઠંડીનો ચમકારો વધતાની સાથે જ બાઈક ચોરોની ગેંગ સક્રિય થતા પાવી જેતપુર રેલવે સ્ટેશન વિસ્તારમાં મોટી રાસલી રોડ ઉપર આવેલા એક જ સોસાયટી તેમ જ ફળિયામાંથી એક જ રાત્રિમાં ચાર બાઈકોની ઉઠાંતરી થતા નગરમાં ચકચાર મચી છે.