"મહા" વાવાઝોડાની અસર, ભરૂચના ભાડભૂતના કિનારે 500 બોટ લંગારાઇ

ભરૂચઃ દરિયાઇ પટ્ટીમાં સંભવિત ચક્રવાતના પગલે માછીમારોને દરિયો ન ખેડવાની સૂચના અપાઈ છે. ભરુચના ભાડભૂત ખાતે 500 જેટલી બોટને લાંગરી દેવામાં આવી છે.

નદી અને સમુદ્રના સંગમ સ્થળ એવા ભાડભૂત ગામના કિનારે માછીમારોએ 500થી વધુ બોટ લંગારી દીધી છે. "મહા" વાવાઝોડું તારીખ 7 નવેમ્બરે માંગરોળથી પોરબંદર વચ્ચે દરિયામાં ટકરાઈ શકે છે. વાવાઝોડાની અસરના પગલે દરેક પોર્ટને એલર્ટ કરાયા છે ત્યારે ભરૂચના દહેજ બંદરે 2 નંબરનું સિગ્નલ એલર્ટ આપવામાં આવ્યું છે.