ભરુચ: મુંબઈ અમદાવાદને જોડતા અતિ વ્યસ્ત એવા રાષ્ટ્રીય ધોરીમાર્ગ નંબર 48 ઉપર બે ટ્રક વચ્ચે અકસ્માત સર્જાયો હતો. વડોદરાથી સુરત તરફ જવાના માર્ગ ઉપર સર્જાયેલા અકસ્માતમાં જોકે કોઈ જાનહાનિ નોંધાઈ ન હતી. પરંતુ હાઇવે ઉપર ટ્રાફિક જામની સ્થિતિ જોવા મળી હતી. વાહન ચાલકોની લાંબી કતારો લાગી હતી.
ભરુચ નજીક છેલ્લા 5 -6 દિવસથી ટ્રાફિક જામ જોવા મળે છે. સરદાર બ્રિજ ઉપર હાઇવે ઓથોરીટી દ્વારા માર્ગના સમારકામની કામગીરી ચાલી રહી છે. જેના કારણે રોજે રોજ 5 કિમી જેટલો લાંબો ટ્રાફિક જોવા મળે છે. ત્યારે આજે અકસ્માતના પગલે વાહન ચાલકોએ કલાકો સુધી કતારોમાં રહેવું પડ્યું હતું. સમય તેમજ ઈંધણનો વ્યય જોવા મળ્યો હતો. જોકે હાઇવે પોલીસે ઘટના બાદ સ્થળ ઉપર પહોચી બંને ટ્રકોને માર્ગ ઉપરથી હટાવવાની કામગીરી શરૂ કરી હતી. ટ્રાફિક હળવો થાય તેવા પ્રયત્નો હાથ ધર્યા હતા.
