સ્થાનિક સ્વરાજ્યની ચૂંટણીની તારીખો જાહેર થતા જ ડીસા કોંગ્રેસે શરૂ કર્યો ચૂંટણી પ્રચાર

રાજ્ય ચૂંટણી પંચે સ્થાનિક સ્વરાજ્યની ચૂંટણીઓ જાહેર કરતા જ દરેક રાજકીય પક્ષે જીતવા માટે કામગિરી શરૂ કરી દીઘી છે. ત્યારે આગામી સમયમાં યોજાનારી ડીસા નગરપાલિકાની ચૂંટણીમાં છેલ્લા 6 વર્ષથી હારતી કોંગ્રેસે આ ચૂંટણીમાં જીતવા માટે ચૂંટણી પ્રચારનાં શ્રીગણેશ કર્યા છે.

• તાજેતરમાં જ રાજ્ય ચૂંટણી પંચે તારીખો જાહેર કરી હતી
• ડીસા નગરપાલિકા છેલ્લા 5 વર્ષથી ભાજપનો ગઢ
• ગત વર્ષે ચૂંટણીમાં હારેલી કોગ્રેસે જીત માટે શરૂ કર્યો પ્રચાર
  

બનાસકાંઠા: સ્થાનિક સ્વરાજ્યની ચૂંટણીઓ જાહેર થતાની સાથે જ દરેક પક્ષે પોતાની જીત માટે અત્યારથી જ પ્રચાર કરવાનું શરૂ કરી દીધું છે. ત્યારે આગામી સમયમાં યોજાનારી ડીસા નગરપાલિકામાં કોંગ્રેસ પોતાની જીત મેળવવા માટે પ્રચાર કરવાના શ્રીગણેશ શરૂ કર્યા છે.

નગરપાલિકાની ચૂંટણીમાં જીત મેળવવા માટે કૉંગ્રેસે પ્રચાર શરૂ કરી દીધા છે.

ભાજપનાં સભ્યો જ ભાજપની સામે આવી જતા વિવાદ ઉભો થયો હતોડીસા નગરપાલિકામાં ગત ટર્મમાં યોજાયેલી નગરપાલિકાની ચૂંટણીમાં ભાજપનાં ૨૧ ઉમેદવારો વિજેતા બન્યા હતા. જ્યારબાદ, ડીસા નગરપાલિકામાં પાંચ વર્ષ દરમ્યાન ભાજપે શાસન કર્યું હતું. આ શાસનકાળ દરમ્યાન ડીસા નગરપાલિકામાં અનેક વિકાસના કામો કરવામાં આવ્યા છે. પરંતુ અઢી વર્ષ પૂર્ણ થતાની સાથે ભાજપનાં જ કેટલાક સભ્યો ભાજપની સામે આવી જતા વિવાદ ઉભો થયો છે. જેના કારણે અઢી વર્ષના શાસનકાળ દરમિયાન ડીસા શહેરના અનેક વિસ્તારોમાં આજે પણ વિકાસ કરવામાં આવ્યો નથી જેના કારણે આ વખતે ચૂંટણી જાહેર થતાની સાથે જ ડીસા શહેરના અનેક વિસ્તારોમાં ભારે વિરોધ લોકોમાં જોવા મળી રહ્યો છે.

ગત વર્ષની ચૂંટણીમાં કોગ્રેસના માત્ર 6 ઉમેદવારો જ જીત્યા હતા

ડીસા નગરપાલિકાની ગત ટર્મની ચૂંટણીમાં કોંગ્રેસના માત્ર 6 ઉમેદવારો વિજય બનતા નગરપાલિકામાંથી તેમનું શાસન નીકળી ગયું હતું ગત વર્ષે ભાજપમાં 21 સભ્યો તેમજ અપક્ષના 17 સભ્યો નગરપાલિકાની ચૂંટણીમાં વિજેતા બનતાની સાથે જ કોંગ્રેસનો કારમો હાર થયો હતો ડીસા નગરવાસીઓ છેલ્લા ઘણા સમયથી કોંગ્રેસના શાસનમાં વિકાસના કામો જોયા ન હતા જેના પરિણામે ગત ટર્મમાં કોંગ્રેસે હારનો સામનો કરવો પડ્યો હતો. ભાજપ નગરપાલિકામાં વિજય બનતા ભાજપે નગર પાલિકાનું શાસન સંભાળ્યું હતું પરંતુ આ વર્ષે અત્યાર થી જ કોંગ્રેસે ફરી એકવાર નગરપાલિકામાં જીત મેળવવા માટે પ્રચાર શરૂ કરી દીધા છે.

આ વર્ષે જીતવા માટે અત્યારથી પ્રચાર શરૂ

બનાસકાંઠાનાં ડીસામાં પણ નગરપાલિકાની ચૂંટણીની તારીખની જાહેરાત થતા જ કોંગ્રેસ સક્રિય બની ગઈ છે અને વોર્ડ વાઇઝ બેઠકોનો દોર શરૂ કર્યો છે. ત્યારે બનાસકાંઠા જિલ્લા કોંગ્રેસનાં પ્રભારી નરેન્દ્ર પટેલ, ડીસા નગરપાલિકાનાં પૂર્વ પ્રમુખ પી પી ભરતીયા સહિત કોંગ્રેસનાં આગેવાનોની ટિમ વોર્ડ નંબર 6માં પહોંચી હતી. તેઓએ સ્થાનિકો સાથે ચર્ચા વિચારણા કરી હતી. ભાજપનાં શાસનમાં લોકોની સમસ્યાઓ ઘટવાને બદલે વધી હોવાના ગંભીર આક્ષેપો કોંગ્રેસ આગેવાનોએ કર્યા હતા. જેથી આવનાર ચૂંટણીમાં કોંગ્રેસને મત આપવા લોકોને અપીલ કરી હતી.

વોર્ડમાં પ્રભુત્વ ધરાવતા ઉમેદવારોને જ ટિકિટ અપાશે

ડીસા કોંગ્રેસ પાર્ટીના અધ્યક્ષનાં જણાવ્યા પ્રમાણે, આ વખતે ડીસા નગરપાલિકાની ચૂંટણીમાં વિવિધ વોર્ડ વિસ્તારોમાં સૌથી વધુ પ્રભુત્વ ધરાવતા ઉમેદવારોને જ ટીકીટ અપાશે. આ સાથે જ આ વખતે તમામ ઉમેદવારોની જીત થાય તે માટેનું કોંગ્રેસ પક્ષ દ્વારા અત્યારથી જ આયોજન કરવાનું શરૂ કરી દેવામાં આવ્યું છે.

ડીસા નગરપાલિકા વિસ્તારનાં 11 વોર્ડની કેટલીક આંકડાકીય માહિતી

• 2021ની ન.પા.ની ચૂંટણીમાં કુલ મતદારો: 92,000
  
• 2015ની ન.પા.ની ચૂંટણીમાં કુલ મતદારો: 89,000
  
• 2015ની ન.પા.ની ચૂંટણીમાં ભાજપે મેળવેલી સીટો: 21
  
• 2015ની ન.પા.ની ચૂંટણીમાં કોંગ્રેસ: 6
  
• 2015ની ન.પા.ની ચૂંટણીમાં અપક્ષ: 17