ચોરી અને લૂંટ જેવી ઘટનાઓ ડીસા શહેરમાં સામાન્ય બનતી જઇ રહી છે. પોલીસ આવી ઘટનાઓને અટકાવવામાં નિષ્ફળ નીવડી છે. ડીસા શહેરના હીરા બજારમાં આવેલી કે.અશ્વિનકુમાર એન્ડ કૂ નામની આંગડિયાની પેઢીના બે કર્મચારીઓ શહેરના સાઈબાબા મંદિરથી આંગડિયા પેઢીના બે થેલા લઈને પસાર થઈ રહ્યા હતા. ત્યારે બે અજાણ્યા શખ્સોએ આંગડિયા પેઢીના કર્મચારીઓને લુંટવાનો પ્રયાસ કરી આંગડિયા કર્મચારી પર ધારિયાનો ઘા કરીને ઇજા પહોંચાડી હતી. તેમજ અન્ય શખ્સે ફાયરિંગ કર્યું હતું.
ઘટના સ્થળે લોકોનું ટોળું એકત્રિત થઈ ઇજાગ્રસ્ત થયેલા જીતુભાઈને સારવાર માટે ડીસાની સિવિલ હોસ્પિટલ ખસેડવામાં આવ્યા હતા.
આ ઘટના બન્યા બાદ એક તરફ પોલીસ ફાયરિંગ ન થયું હોવાનું જણાવી રહી છે. જ્યારે ભોગ બનનાર બંને શખ્સોએ તેમના નિવેદનમાં સ્પષ્ટ શબ્દોમાં જણાવ્યુ છે કે, આ ઘટનામાં ફાયરિંગ થયું છે. ફાયરિંગની ઘટના પર પોલીસ કેમ પડદો પાડી રહી છે ? ત્યારે પોલીસની કામગીરી સામે સવાલ ઊભા થયા છે.
