બનાસકાંઠાઃ જિલ્લામાં આવેલ ડીસા તાલુકોએ તપો ભૂમિ તરીકે ઓળખાય છે અને અહીંની પર્વત માળામાં અનેક સંતો મહંતોએ તપ કરેલા છે, ત્યારે આ વિસ્તારમાં ગુરુપૂર્ણિમાના પર્વનું અનેરું મહત્વ હોય છે. પરંતુ કોરોનાના વધતા જતા કેસને લઈ ગુરુભક્તોએ ઘરે રહી ગુરુના ફોટાની પૂજા અર્ચના કરી આશીર્વાદ મેળવવા મજબુર બન્યા હતા.
ગુરુપૂર્ણિમા નિમિતે મહેન્દ્રભારથી ગૌસ્વામી મહંતનો ગુરુ સંદેશ
ડીસા તાલુકામાં વસવાટ કરતા કેટલાક ગુરુભક્તોએ પોતાના ગુરુના ફોટાની પૂજા કરી ચરણોમાં શીશ નમાવી ઘરે બેઠા આશીર્વાદ મેળવી સરકારની ગાઈડલાઈનનું પાલન કર્યું હતું. તો બીજી તરફ ગુરુઓએ પણ હાલમાં ચાલી રહેલ કોરોના વાઇરસની મહામારીમાં તમામ લોકોએ સરકારની ગાઈડલાઈન મુજબ રહી અને કોરોના વાઇરસથી બચવા માટે સંદેશો આપ્યો હતો.
