આજના સમયમાં ક્રિકેટ વિશ્વની સૌથી લોકપ્રિય રમત છે. ત્યારે શુક્રવારના રોજ જિલ્લા રમત ગમત વિભાગ દ્વારા ડીસાના ટીસીડી ગ્રાઉન્ડ ખાતે ક્રિકેટ ટુર્નામેન્ટનું આયોજન કરવામાં આવ્યું હતું.
જેમાં ગુજરાત રાજ્યમાંથી અલગ-અલગ ટીમોએ આ ક્રિકેટ ટુર્નામનેન્ટમાં ભાગ લીધો હતો. આ ટુર્નામેન્ટનું આયોજન બનાસકાંઠા જિલ્લા રમત ગમત વિભાગ દ્વારા કરવામાં આવ્યુ હતું. ડીસાના રમત ગમત વિભાગના શિક્ષક વસંતભાઈએ જણાવ્યું હતું કે, ડીસાના ટીસીડી ગ્રાઉન્ડ ખાતે યોજાયેલી ક્રિકેટ ટુર્નામેન્ટમાં અલગ-અલગ જિલ્લામાંથી કુલ 7 ટીમોએ ભાગ લીધો હતો અને વિજેતા ટીમ આગામી રાજ્યકક્ષા ખાતે યોજાનારી ક્રિકેટ ટુર્નામેન્ટમાં ભાગ લેશે.
ડીસાના ટીસીડી ગ્રાઉન્ડ ખાતે યોજાયેલી ક્રિકેટ ટુર્નામેટમાં અલગ અલગ જિલ્લાની કુલ 7 ટીમોએ ભાગ લીધો હતો. જેમાં ડીસા ટીમના કેપ્ટન કેતુલ પટેલે જણાવ્યું હતું કે, આજે યોજાયેલી ક્રિકેટ મેચમાં અમારી ડીસાની ટીમ સારું પ્રદર્શન કરશે અને અમને વિશ્વાસ છે કે, અમારી ટીમ વિજેતા બની અને આગામી સમયમાં યોજાનારી રાજ્યકક્ષાની ટુર્નામેન્ટમાં સારું પ્રદર્શન કરી વિજેતા બનશે.
