બનાસકાંઠામાં દિનપ્રતિદિન અકસ્માતોનું પ્રમાણ વધી રહ્યું છે. તેમાં પણ વાહન ચાલક જ્યારે નશાની હાલતમાં હોય છે ત્યારે અકસ્માતનું પ્રમાણ વધી જાય છે. તે દરમિયાન શનિવારે બનાસકાંઠા જિલ્લામાં એક બસનો કંડક્ટર દારૂના નશામાં ચૂર થઇને ફરજ પર ગંભીર બેદરકારી દાખવતો હોવાનો વિડીયો વાયરલ થયો છે.
બનાસકાંઠામાં નશામાં ધુત કંડક્ટરનો મુસાફરોએ વિડીયો કર્યો વાઈરલ
નશામાં ચૂર થઈ ફરજ પર આવતા કંડક્ટરને લોકોએ ઉધડો લીધો હતો. બસમાં સવાર મુસાફરોએ આ સમગ્ર ઘટનાનો વિડીયો બનાવી વાયરલ કર્યો છે. એસટી વિભાગે પણ આ કંડકટર સામે કાયદેસરની કાર્યવાહી હાથ ધરવા માટે તપાસ હાથ ધરી છે. જોકે પ્રાથમિક દ્રષ્ટિએ આ વિડીયોમાં આ બસ પાટણ તરફ જતી હોવાનો મુસાફરો અને કંડક્ટરની વાતચીત પરથી લાગી રહ્યું છે.
