મોડાસા માર્ગ પર મોપેડ સ્લીપ થતા યુવાનનું ઘટના સ્થળે મોત

અરવલ્લી જિલ્લાના મોડાસામાં એક યુવાનનું માર્ગ અકસ્માતમાં મોત થયુ હતું. બુધવારે સવારે યુવાન પોતાની મોપેડ લઇ મેઘરજ તરફ જઇ રહ્યો હતો, તે દરમિયાન મોપેડ સ્લીપ થતા યુવાન માર્ગ પર પટકાયો હતો અને ઘટના સ્થળે જ તેનું મોત થયું હતું.

• મેઘરજના બેડઝ પાટિયા પાસે મોપેડ સ્લીપ થતા સર્જાયો અકસ્માત
• મોપેડ સ્લીપ થતા ચાલક યુવકનનું ઘટના સ્થળે મોત
• મેઘરજ પોલીસે અકસ્માત મોતનો ગુનો નોંધી હાથધરી તપાસ

અરવલ્લી: જિલ્લાના મોડાસાના રહેવાસી મહેશભાઈ બુધવારે સવારે મેઘરજ તરફ કામ અર્થે પોતાના મોપેડ પર જઇ રહ્યા હતા. આ દરમિયાન મેઘરજના બેડઝ પાટિયા પાસે એકાએક મોપેડ સ્લીપ થતા તેઓ માર્ગ પર પટકાયા હતા. તેમના માથાના ભાગે ગંભીર ઇજાઓ થતા તેમને સારવાર મળે તે પહેલા ઘટના સ્થળે તેમનું મોત થયું હતું.

મોડાસા માર્ગ પર મોપેડ સ્લીપ થતા યુવાનનું ઘટના સ્થળે મોત

ઘટનાની જાણ થતા પરિવારજનો ઘટના સ્થળે પહોચ્યા હતા અને વાતાવરણ ગમગીની બન્યું હતું. આ અંગે મેઘરજ પોલીસે ઘટના સ્થળે પહોંચી મૃતદેહને પોસ્ટમોર્ટમ અર્થે મોકલ્યો હતો. મેઘરજ પોલીસે અકસ્માતે મોતનો ગુનો નોંધી વધુ તપાસ હાથધરી હતી.

અકસ્માતના બીજા સમાચારો