મોડાસામાં પોલીસે બે ઇસમોની પિસ્તોલ અને ૬ જીવતા કારતુસ સાથે કરી ધરપકડ

અરવલ્લી: મોડાસા રૂરલ પોલીસે શામળાજી-હિંમતનગર હાઈવે પર રાજસ્થાન તરફથી આવતા વાહનોનું સઘન ચેકિંગ હાથ ધર્યું હતું. તે દરમિયાન બાતમીના આધારે પોલીસે શામળાજી તરફથી બે ઇસમોને અટકાવી તપાસ કરતા તેમની પાસેથી બે દેશી પિસ્તોલ અને છ જીવતા કારતુસ મળી આવ્યા હતાં. આ બન્ને ઇસમોની પોલીસે ધરપકડ કરી હતી.

પોલીસે બાઈક પર સવાર ગ્વાલીયરના બિરેનસિંગ દેવલાલ સુખવાસી જાટવ અને રવિકુમાર પીરભુ કુમાર જાટવના પેન્ટના ખિસ્સામાંથી દેશી બનાવટની પિસ્તોલ કિંમત ૧૦,૦૦૦, ૬ જીવતા કારતુસ, 2 મોબાઈલ, એક બાઈક મળી કુલ.૧,૧૨,૬૦૦નો મુદ્દામાલ જપ્ત કર્યો હતો. મોડાસા રૂરલ પોલીસે બંને શખ્સો વિરુદ્ધ આર્મસ એક્ટ કલમ ૨૫ (૧-બી) A અને IPC કલમ-૧૧૪ અને જીપીએકટ-૧૩૫ મુજબ ગુનો નોંધી કાયદેસરની કાર્યવાહી હાથધરી હતી.

પિસ્તોલ અને જીવતા કારતુસ