અરવલ્લી: મહામારી પૂર્વે લોકોમાં સ્વાસ્થ્ય અંગેની જાગૃતતા ઓછી હોવાના કારણે આ માસ્કનો ઉપયોગ ફક્ત તબીબો અને પેરામેડિકલ સ્ટાફ સુધી સીમિત હતો. માસ્ક ભાગ્યે જ કોઈના મોઢા પર જોવા મળતા હતા. કોરોના વાઇરસ પહેલા માસ્કની માગ નહોતી. એટલે તેના કાચા માલનું ઉત્પાદન પણ ઓછું હતું. કાચા માલનું ઉત્પાદન કરતી ફેકટરીઓએ પણ મશીનરી સીમિત રાખી હતી. જોકે અચાનક માગ વધવાને કારણે ફેક્ટરીઓમાં રાત દિવસ ઉત્પાદન થઈ રહ્યું છે. અરવલ્લીના મોડાસામાં આવેલી આ ફેકટરીમાં ૨૪ કલાકમાં દોઢ ટન નોન વોવન ફેબ્રિકસનું ઉત્પાદન થઈ રહ્યું છે.
માસ્ક બનાવવા કાચો માલ કેવી રીતે બને છે, જાણો નોન વોવન ફેબ્રિક પ્લાસ્ટિકના વર્જિન દાણામાંથી બને છે. આ દાણાને અતિશય ઊંચા ટેમ્પરેચર એ ગરમ કરી ઓગાળવામાં આવે છે અને તેના રેશાનું કાપડ બનાવવામાં આવે છે. જે મેડીકલ પ્રમાણિત માસ્ક હોય છે તેમાં ત્રણ લેયર આવે છે અને આ નોન વોવન ફેબ્રિક હવાના ફિલટ્રેશન માટે વચ્ચે મૂકવામાં આવે છે. બજારમાં મળતા સાધારણ માસ્કમાં આ લેયર હોતું નથી અને તે કોરાના સામે રક્ષણ આપી શકતા નથી.બજારમાં અતિશય માગ હોવાના કારણે નોન વોવન ફેબ્રિકના ભાવ હાલ કિલોના રૂપિયા 1800 રહ્યા છે અને બે માસ સુધી કાચા માલનો ઓર્ડર આ ફેક્ટરીને મળી ચૂક્યા છે.આ તકે ફેક્ટરીના માલિકે જણાવ્યું હતું કે શરૂઆતના દિવસો ખૂબ જ કપરા હતા. કેમ કે નોન વોવન ફેબ્રિકની જોઈએ તેટલી માગ હતી નહીં અને પ્રથમ ત્રણ વર્ષ આ કંપનીએ ખુબ જ સંઘર્ષ કર્યો હતો.
