મોડીસાઃ રાજસ્થાન અડીને આવેલા અરવલ્લી-સાબરકાંઠા જિલ્લામાં વાહનચોરી કરતી ગેંગના માસ્ટર માઇન્ડ રાજસ્થાનનો રહેવાસી અમરતભાઈ ઉર્ફે અમૃત ચંદુભાઈ બરંડાને રાજસ્થાનના ઝાંઝરીમાંથી અરવલ્લી પેરોલફર્લો સ્કોડે ઝડપી પાડ્યો હતો.
પોલીસને બાતમી મળી હતી કે આરોપી ઝાંઝરી બોર્ડર પર આવવાનો છે. પોલીસે બાતમી આધારીત વર્ણન વાળો અમરત ડામોરને ઝાંઝરી નજીકથી પસાર થતાની સાથે વોચમાં રહેલી પેરોલફર્લો ટીમે તેને ઝડપી પાડ્યો હતો. અમરત ડામોર ઝડપાઇ જવાથી ઇડર પોલીસ સ્ટેશન હદ વિસ્તારમાંથી 10 બાઈક ચોરીના અને 2017થી નાસતા ફરતા આરોપીને ઝડપી પાડવામાં અરવલ્લી પેરોલફર્લો ટીમને સફળતા મળી હતી.
