Aravalli Netram Control Room: અરવલ્લીમાં ટ્રાફિક નિયમન અને ગુનાખોરી અટકાવવા નેત્રમની ઉત્કૃષ્ઠ કામગીરી

અરવલ્લી જિલ્લામાં ટ્રાફિક નિયમન અને ગુનાખોરી અટકાવવા(Criminal incident in Aravalli ) વિશ્વાસ પ્રોજેકેટ અંતર્ગત નગરની મહત્વના માર્ગો હાઇ રીસોલ્યુશન CCTV કેમેરા લગાવામાં (CCTV cameras in Aravalli city) આવ્યા છે. જેમાં છેલ્લા 2 વર્ષમાં 16 હજાર મેમો વાહન ચાલકોને ઇશ્યું કરવામાં આવ્યા છે. આ ઉપરાંત છેલ્લા ત્રણ માસમાં કેમેરાની મદદથી 24 ગુનાનો ભેદ ઉકેલવામાં સફળ રહી છે.

અરવલ્લી: જિલ્લાના મુખ્યમથક મોડાસા નગરમાં વિશ્વાસ પ્રોજેક્ટ અંતર્ગત 3 કરોડના ખર્ચે CCTV લગાવી નેત્રમ કંટ્રોલ રૂમ શરૂ (Aravalli Netram Control Room started)કરવામાં આવ્યો છે. નગરમાં ટ્રાફિક નિયમન, ત્રણ સવારી તેમજ ચાલુ વાહને મોબાઈલ ફોન પર વાત કરવા સહિત અન્ય ટ્રાફીક નિયમોના ભંગ બદલ મેમો આપવામાં આવ્યા હતા. છેલ્લા બે વર્ષમાં સોળ હજાર વાહનોને મેમો (Aravalli City Police )આપવામાં આવ્યા છે. ત્રણસો જેટલા વાહન ચાલકોએ વારંવાર પોલીસના કેમેરામાં કેદ થતાં આવા હેબીચ્યુલ ઓફેન્ડર્સ સામે કાયદેસરની કાર્યવાહી કરવાની તજવીજ હાથ ધરી છે. આ ઉમરાંત જે વાહન ચાલકોએ દંડ નથી ભર્યો તેવા વ્યક્તિઓને બ્લેક લિસ્ટમાં મુકી તેમના લાયસન્સ રદ્દ કરવા સહિતની કાર્યવાહી પણ પોલીસ(Aravalli Traffic Police ) દ્વારા હાથ ધરવામાં આવનાર છે.

મેમોનીની રકમ	વર્ષ 2020	વર્ષ 2021
ચૂકવેલ મેમો	3,709	1,962
ચૂકવેલ રકમ	13,45,600	7,79,100
વણચુકવેલ મેમો	5683	5065
વણચુકવેલ રકમ	24,74,500	24,18,300
કુલ સંખ્યા	9,392	7,027
કુલ રકમ	38,20,100	31,97,400

આ સાથે છેલ્લા ત્રણ માસમાં નેત્રમ કેમેરાની મદદથી, હીટ એન્ડ રન, અપહરણ, ગુમ થવાના, ચોરી, ચેન સ્નેચીંગ સહીત 24 ગુનાનો ભેદ ઉકેલવામાં પોલીસને સફળતા મળી છે જ્યારે 33 દબોચી લેવામાં આવ્યા છે. તેમજ 19 લાખથી વધુનો મુદ્દામાલ રિકવર કરવામાં આવ્યા છે. રાજ્યમાં નેત્રમની ત્રિમાસિક કામગીરીની સમીક્ષા કરવામાં આવે છે. જેમાં અરવલ્લી પોલીસ નેત્રમથી ગુનાનો ભેદ ઉકેલવામાં રાજ્યમાં સતત બીજા વર્ષે ત્રીજો ક્રમ પ્રાપ્ત કરતા રાજ્યના પોલીસ વડા આશિષ ભાટીયાના હસ્તે PSI જે.એચ.ચૌધરીને પ્રમાણપત્ર એનાયત કરવામાં આવ્યું હતું.

આ પણ વાંચોઃ આ દિવ્યાંગ કલાકારનું એવું કામ કે જે લોકોમાં બન્યો ચર્ચાનો મુદ્દો, જૂઓ તેમની કારીગરી

નેત્રમ અંતર્ગત મોડાસામાં લગાવેલ કેમેરા

અરવલ્લી જિલ્લાના મોડાસામાં કુલ 15 જંક્શન પર 135 કેમેરા લગાવવામાં આવ્યા છે. 135 કેમેરા માંથી 61 કેમેરા ફિક્સ છે જ્યારે 22 કેમેરા 360 તેમજ 180 ડિગ્રી ફરી શકે તેવા પી.ટી.જેડ કેમેરા લગાવવામાં આવ્યા છે. 52 જેટલાં કેમેરા ઓટોમેટીક નંબર પ્લેટ રેકગનાઇઝ કરી શકે તેવા હાઈ રિઝોલ્યુશન એચ.ડી કેમેરા લગાવવામાં આવ્યા છે. જેથી ગુનાહિત પ્રવૃત્તિઓ પણ અટકાવવા પોલીસને મદદરૂપ થઈ રહ્યા છે. આ કંટ્રોલરૂમમાં 45 જેટલા માણસો 3 સીફટમાં કામ કરી રહ્યા છે.
આ પણ વાંચોઃ Department of Energy paper scam: કથિત મુખ્ય સૂત્રધારે પ્રેસ કોન્ફરન્સ યોજીને કર્યો ખુલાસો