ગાંધી પરિવારમાં કોંગ્રેસ અધ્યક્ષ સોનિયા ગાંધી, રાહુલ ગાંધી અને પ્રિયંકા ગાંધી વાડિયાને દેશની સર્વોચ્ચ સુરક્ષા SPG છેલ્લાં 28 વર્ષથી પ્રાપ્ત હતી. જે દેશના બે ભૂતપુર્વ વડાપ્રધાન ઈન્દીરા ગાંધી અને રાજીવ ગાંધી પર થયેલ જીવલેણ હુમલા બાદ આ પરિવાર પર બીજા આ પ્રકારના હુમલા ન થાય તેના સાવચેતી રૂપે આ સુરક્ષા પુરી પાડવામાં આવી હતી. જેને હાલમાં જ કેન્દ્ર સરકાર દ્વારા દૂર કરીને ગાંધી પરિવારને ઝેડ પલ્સ(crpf) સુરક્ષા આપવાની જાહેરાત કરવામાં આવી છે.
ગાંધી પરિવારને SPG સુરક્ષામાંથી બાકાત કરવીએ રાજકીય કિન્નખોરી: અમિત ચાવડા કોંગ્રેસના ગુજરાત પ્રદેશ પ્રમુખ અમિત ચાવડાએ આ વિષય પર પ્રતિક્રિયા આપતા જણાવ્યું હતું કે "દેશમાં ભાજપ સરકાર દ્વારા રાજકીય કિન્નાખોરીના કારણે આ નિર્ણય લીધેલો છે. સરકારે વિષય પર ફરી વિચારણા કરીને દેશની સેવામાં કાર્યરત આ પરિવારની સુરક્ષા માટે યોગ્ય નિર્ણય લેવો જોઈએ" આ કેન્દ્ર સરકાર દેશમાં પૂર્વ પ્રધાનમંત્રી મનમોહનસિંહ પાસેથી પણ SPG કવચની સુરક્ષા પરત લીધેલ છે અને હવે ગાંધી પરિવાર પાસેથી SPG કવચ પરત ખેંચી લેતા કોંગ્રેસ દ્વારા સરકારના આ નિર્ણયનો વિરોધ કરવામાં આવી રહ્યો છે. પ્રાપ્ત માહિતી અનુસાર ગાંધી પરિવાર પાસેથી SPG કવચ છીનવાઈ ગયા બાદ હવે ફક્ત દેશમાં પ્રધાનમંત્રી નરેન્દ્ર મોદી પાસે દેશની સર્વોચ્ચ સ્પેશિયલ પ્રોટેક્શન ગ્રુપનું સુરક્ષા કવચ પ્રાપ્ત રહેશે.
