જાણો યુનિવર્સિટી લાયબ્રેરીનું હાર્દઃ કેવી રીતે કરે છે વિદ્યાર્થીઓને મદદ

આણંદ જિલ્લામાં અનેક શૈક્ષણિક સંસ્થાઓ સાથે જ શિક્ષણનગરી વિદ્યાનગર શહેર પણ આવેલું છે,જ્યાં હજારો વિદ્યાર્થીઓ અભ્યાસ માટે આવતાં હોય છે અને તેમને અભ્યાસમાં સહાયરૂપ બનતી લાયબ્રેરી પણ આવેલી છે જે સામાન્ય દિવસોમાં વિદ્યાર્થીઓની ચહેલપહેલથી ધમધમતી રહેતી હોય છે. પરંતુ કોરોનાના કારણે આ યુનિવર્સિટી લાઈબ્રેરી સાવ ખાલી પડી રહી છે. ત્યારે જાણીએ યુનિવર્સિટી લોકડાઉનમાં કેવી રીતે વિદ્યાર્થીઓને અભ્યાસમાં મદદરૂપ બની રહે છે.

વિદ્યાનગરઃ ETVBharat દ્વારા યુનિવર્સિટી લાઈબ્રેરીની મુલાકાત લેવામાં આવી હતી ત્યારે વિદ્યાર્થીઓની ભારે ચહેલપહેલ ધરાવતી લાઈબ્રેરી સાવ ખાલી પડેલી માલૂમ પડી હતી.લોકડાઉન અને બાદમાં તબક્કાવાર જાહેર કરવામાં આવેલ અનલોકમાં હજુ સરકાર દ્વારા લાઈબ્રેરી ચાલુ કરવા અંગે કોઈ જાહેરાત કરવામાં આવી નથી, ત્યારે ઘરે રહી પોતાનો અભ્યાસક્રમ પૂર્ણ કરવા કે અન્ય સ્પર્ધાત્મક પરીક્ષા તથા સ્વરૂચિ પુસ્તકોનું વાંચન માટે મેળવવા વિદ્યાર્થીઓને અનેક મુંઝવણો ઉભી થતી. ત્યારે વિદ્યાર્થીઓને યુનિવર્સિટી લાઈબ્રેરી વિભાગ ઉપલબ્ધ માધ્યમ થકી પુસ્તક અને તેનું મટિરીયલ પહોંચાડવા પ્રયત્ન કરી રહ્યો છે, જેથી વિદ્યાર્થીઓ કોવિડ કેેરમાં મળેલ સમયનો અભ્યાસ અને જ્ઞા ની વૃદ્ધિ કરી સદ્ઉપયોગ કરી શકે.

જાણો યુનિવર્સિટી લાયબ્રેરીનું હાર્દઃ કેવી રીતે કરે છે વિદ્યાર્થીઓને મદદ

સરદાર પટેલ યુનિવર્સિટીના લાઈબ્રેરીયને ETVBharat સાથેની ખાસ વાતચીતમાં જણાવ્યું હતું કે યુનિવર્સિટીમાં અભ્યાસ કરતા વિદ્યાર્થીઓ લાઈબ્રેરીમાં રેફરન્સ બૂક લેવા આવતાં હોય છે. સાથે જ શાંત વાતાવરણમાં વાંચન કરવા પણ આવતાં હોય છે પરંતુ સાંપ્રત સમયના કારણે વિદ્યાર્થીઓ લાઈબ્રેરીથી અલગ થઈ ગયાં છે ત્યારે તેમને અનેક મૂંઝવણો ઉભી થતી હોય છે. જે તમામના સમાધાન માટે યુનિવર્સિટી લાઇબ્રેરી વિભાગ હંમેશા તત્પર રહી તેમની સમસ્યાનું સમાધાન લાવી આપે છે. વિદ્યાર્થીઓ માટે ઘણા વેબિનારનું પણ આયોજન કરવામાં આવે છે. સાથે જ દંડ અને પુસ્તક પરત કરવાની સમય મર્યાદાની સમસ્યામાં પણ વિદ્યાર્થીઓની ચિંતામાં ઘટાડો કરે છે.

જાણો યુનિવર્સિટી લાયબ્રેરીનું હાર્દઃ કેવી રીતે કરે છે વિદ્યાર્થીઓને મદદ

વિદ્યાર્થીઓને ઓનલાઈન એજ્યુકેશન આપવા ડિજિટલ પ્લેટફોર્મ પર કલાસ ચાલુ તો થઈ ગયાં છે પણ જે તે વિષય પર વિદ્યાર્થીઓને સરળ ભાષામાં સમજાઇ રહે તેવું સ્ટડી મટિરીયલ બનાવવા ઘણા શિક્ષકોને રેફરન્સ બૂકની જરૂર પડતી હોય છે તો ઘણાં વિદ્યાર્થીઓ પી.એચડીનો અભ્યાસ કરતાં હોય છે. જેમને રીસર્ચ માટે પુસ્તકોની આવશ્યકતા ઉભી થતી હોય છે તેવા સંજોગોમાં લાઈબ્રેરી દ્વારા ચોક્કસ સાવચેતી સાથે તેમને પરવાનગી આપવામાં આવે છે.

ઉલ્લેખનીય છેકે વિદ્યાર્થીઓને અભ્યાસ માટે અતિ આવશ્યક એવી પુસ્તકાલયને વિદ્યાર્થીઓ માટે ચોક્કસ નિયમોને આધીન ખુલ્લી મુકવામાં આવે, તેવી વિદ્યાર્થીઓમાં લાગણી પ્રસરી રહી છે ત્યારે આગામી દિવસોમાં સરકાર આ જ્ઞાનના સ્ત્રોતને પુનઃ જ્ઞાન પીરસવા પરવાનગી આપવામાં આવે તેવી જાગૃતજનમાં માગ ઉઠી રહી છે.