ધર્મજ બુથ ૮/૨૩૯ માં ૨૩ મી એપ્રિલના રોજ ૩ થી ૪ દરમિયાન બપોરના સમયે બુથ મથક પર બેઠેલા સરકારી કર્મચારીઓની મદદથી બોગસ મતદાન કરવામાં આવ્યું હતું. આ સમયે મતદાન મથક પર પ્રીસાઈડીંગ ઓફિસર તરીકે દિલીપ પટેલ, કેયુર પટેલ, વર્ષાબેન પ્રજાપતિ , જયાબેન વણકર ફરજ પર હાજર હતા. તેમ છતાં તેઓ દ્વારા બોગસ મતદાન અટકાવવા બાબતે કોઈજ પગલા ભરવામાં આવ્યા ન હતા.
ધર્મજ બુથ પર બેઠેલા સરકારી અધિકારીઓ સામે જ થયું બોગસ મતદાન
તેમજ બોગસ વોટીંગ કરવા આવનાર વ્યક્તિઓના નામ પણ આપ્યા નથી અને તેમની મદદથી બોગસ મતદાન થયું છે. ત્યારે ફરજ પર ગેર વર્તણુક અને બોગસ મતદાનમાં મદદ કરવા જેવા આક્ષેપો સાથે જોનલ અધિકારી કિરીટ કુમાર ઠાકોરલાલ શાહ દ્વારા પેટલાદ રૂરલ પોલીસ મથકે પ્રીસાઈડીંગ ઓફિસર સહીત ૪ અધિકારીઓ સામે ફરિયાદ નોધાવવામાં આવી છે. પેટલાદ પોલીસ દ્વારા ગુનો દાખલ કરી તપાસ હાથ ધરવામાં આવી રહી છે.
