બાવળીયાના નિવેદન પર ધાનાણીની પ્રતિક્રિયા કહ્યું, કૌરવોનો હાથ પકડ્યો છે

અમરેલી: કુંવરજી બાવળીયાના નિવેદન પર પરેશ ધાનાણીએ વળતો પ્રહાર કરતા કહ્યું હતું કે, કમલમ કાર્યાલયથી દબાણ થતા કુંવરજી કાકા આવ્યા છે. તેમજ કૌરવોનો હાથ પકડ્યો હોવાનું જણાવીને અને આ ધર્મ સામે અધર્મની લડાઈ ગણાવી હતી.

લોકસભા ચૂંટણી માટે અમરેલી પ્રચાર માટે આવેલા કુંવરજી બાવળીયાએ OBC સંમેલનમાં કહ્યું હતું કે, પરેશ ધાનાણી સાંજે સાડા સાત પછી કઈ અવસ્થામાં હોય છે, તે અમરેલીના મતદાતાઓ અને કોંગ્રેસના નેતાઓ પણ જાણે છે. સાંજ પછી વિપક્ષ નેતા પરેશ ધાનાણી સભાન અવસ્થામાં નથી હોતા.

ઉલ્લેખનીય છે કે, કોંગ્રેસે અમરેલી બેઠક પર પરેશ ધાનાણીની પસંદગી કરી છે.