ભાવનગર રેન્જ આઇ.જી. અશોકકુમાર યાદવના સુચના અને માર્ગદર્શન હેઠળ જાફરાબાદ મરીન પોલીસ સ્ટેશનના પોલીસ ઇન્સ્પેક્ટર એસ.એચ.નીમાવત તથા પોલીસ સ્ટાફ પેટ્રોલીંગમાં હતા ત્યારે બાતમીત મળી હતી કે, એક ઇસમ બે ચોરાવ ઉંચી કીંમતના મોબાઇલ ફોન જુદી-જુદી દુકાને બતાવી સસ્તામાં વેચવાની પેરવી કરી રહ્યો છે.આ માહીતીના આધારે અંજલી પ્લાઝા કોમ્પલેક્ષ રોડ ઉપર જતા શંકાસ્પદ ઇસમ મળી આવતા ઉભો રખી તેની પુછપરછ કરવામાં અવી હતી. જેમાં પોતાનું નામ જાદવભાઇ મનુભાઇ બારૈયા અને જાફરાબાદનો હોવાનું જણાવ્યું હતું.
વધુ પુછપરછ કરતા 23 જુલાઇના રાત્રીના સમયે જાફરાબાદમાં સામાકાઠે પીપળીકાંઠા વિસ્તારના રહેણાંક મકાનમાં પ્રવેશ કરી સુતેલા માણસના ઓશીકા પાસેથી પડેલા મોબાઇલની ચોરી કરી હતી.આ શખ્સે મોબાઇલ નંગ 2 કિંમત રૂપિયા 24000ના મુદ્દામાલ સાથે અટકાયત કરવામાં આવી હતી.
