અમરેલીઃ અમરેલી જિલ્લાની જનતા શાંતિપૂર્ણ રીતે લોકડાઉનનું પાલન કરી રહી છે, ત્યારે અમરેલી શહેરના એક યુવક દ્વારા આ શાંતિ ડહોળવાનો પ્રયાસ કરવામાં આવ્યો હતો.
અમરેલી શહેરના રિકેન નીખીલભાઈ સિંધવ નામના યુવક દ્વારા તબલીગી જમાતના મરકજ અનુસંધાને વોટ્સઅપ દ્વારા મુસ્લિમ સમાજની લાગણી દુભાઈ તેવા ફોટો અને પોસ્ટ વાયરલ કરતા અમરેલી સિટી પોલીસ સ્ટેશનમા ડિઝાસ્ટર મેનેજમેન્ટ એકટ 2005ની કલમ 54 તથા IPC 505 (ખ) હેઠળ ગુનો નોંધવામાં આવ્યો છે.
અમરેલી પોલીસ દ્વારા જાહેર જનતાને અપીલ કરવામાં આવી હતી કે, "કોઇ પણ પ્રકારની અફવાઓથી દૂર રહી, કોમી એકતા અને જાહેર સુલેહ શાંતિ જાળવવી અને સોશિયલ ડીસ્ટન્સ જાળવી, ઘરમાં રહી, પોતાના પરિવાર તથા સમાજને સુરક્ષિત રાખશો."
