અમદાવાદ : હાઈકોર્ટમાં દાખલ કરેલી અરજીમાં રજૂઆત કરવામાં આવી છે કે અરજદાર વિરલગીરી ગોસ્વામી વિરુદ્ધ દાખલ કેસ અંતર્ગત એન્ટી કરપ્શન બ્યુરોએ તેમની 11 કરોડની સંપત્તિ ટાંચમાં લીધી હતી, ત્યારબાદ આ અંગેની વિગતો જાણવા માટે અરજદારે આરટીઆઈ દાખલ કરતા પ્રથમ અને બીજી અપીલમાં માહિતી વિભાગ દ્વારા જવાબમાં ACB RTI હેઠળ ન આવતું હોવાથી માહિતી આપી શકાય નહિ તેમ કહીં વિગતો ન આપતા હાઇકોર્ટમાં રીટ દાખલ કરાઈ હતી.
આ કેસની વિગત એવી છે કે અરજદાર વિરુદ્ધ બેનામી સંપત્તિ કેસમાં ACBએ 11કરોડની સંપત્તિ ટાંચમાં લીધી હતી. જેની માહિતી મેળવવા અરજદાર દ્વારા RTI કરવામાં આવી હતી. અરજદારનો આક્ષેપ છે કે આ કેસમાં ઉચ્ચ અધિકારીઓ સંડોવાયેલા હોવાથી RTIથી તેમને માહિતી આપવમાં આવી નથી.
