GLF: પ્રથમ દિવસે સંજય રાવલનું વાંચન, વિચાર અને કારકિર્દી વિષય પર વક્તવ્ય

અમદાવાદઃ રાજ્યમાં સાહિત્યના સૌથી મોટા મેળાવડા ગુજરાતી લિટરેચર ફેસ્ટિવલનો 18 ડિસેમ્બરથી પ્રારંભ થયો હતો. આ ફેસ્ટિવલનું આયોજન અમદાવાદની ગુજરાત યુનિવર્સિટીના કેમ્પસમાં આવેલા હેરિટેજ લોંજમાં કરવામાં આવ્યું છે. આ સાહિત્યક પ્રવૃતિઓનો સૌથી મોટો જલસો મનાતા GLFની 8મી આવૃતિ છે. આગામી પાંચ દિવસો દરમિયાન 200 કરતાં વધુ વક્તાઓ ભાગ લેશે અને 90 વધુ કાર્યક્રમો અને વર્કશોપ યોજાશે.

આ પાંચ દિવસોમાંથી પહેલા દિવસે મોટિવેશનલ સ્પિકર સંજય રાવલ કારકિર્દીને સફળ બનાવવામાં વાંચન અને વિચારની ભૂમિકા વિશે વ્યક્ત આપ્યું હતું. લાંબાગાળાની સફળતા માટે માત્ર ટેક્નિકલ કુશળતા જ જરૂરી છે. જનમાનસમાં પ્રવર્તી ધાણાથી વિપરીત સંજય રાવલે વાત સ્પષ્ટ કરી કે સારા વાંચનથી કેવી રીતે બૌદ્ધિક ક્ષમતા વધારવામાં અને કારકિર્દીમાં મહત્વનું યોગદાન આપે છે.

આ કાર્યક્રમના પાંચ દિવસનો સ્ક્રીન રાઇટિંગ વર્કશોપ બુધવારે સવારે શરૂ થયો હતો. આ વર્કશોપ સ્ક્રીન રાઇટર એસોસિએશન ઓફ ઇન્ડિયા અને હિન્દી સિનેમાના જાણીતા દિગ્દર્શક સુભાષ ઘાઇ દ્વારા સંચાલિત દેશની પ્રીમિયર ફિલ્મ શિક્ષણની સંસ્થા વિસલિંગ વુડ્સ ઇન્ટરનેશનલ સાથે મળીને સંયુક્ત રીતે યોજાઇ રહ્યો છે.