સ્ટેટ લેવલ સ્ટીયરિંગ કમિટિમાં સરકારી અધિકારીઓ, સરકાર નક્કી કરે તેવી બે પ્રતિષ્ઠિત NGO, લઘુત્તમ 10 વર્ષનો અનુભવ ધરાવતા સાયકોલોજિસ્ટ, નિવૃત જજ જ્યુડિશિયલ ઓફિસર અથવા જેન્ડર ઇક્વાલિટી અને જેન્ડર જસ્ટિસ માટે કામ કરનાર સિનિયર એડવોકેટ સહિતના સભ્યોની નિમણુંક કરવામાં આવશે. આ સિવાય જિલ્લા કલેકટર, જિલ્લા સેશન્સ જજ, પોલીસ કમિશ્નર KDS, સિવિલ સર્જન રોજગાર અધિકારી, લીગલ સર્વિસીસ ઓથોરિટીના પ્રતિનિધિ, પ્રોટેકશન ઓફિસર સહિતના 15 અધિકારીઓ પણ સ્ટેસ કમિટિમાં ભાગ લઈ શકશે.
નારી સંરક્ષણ ગૃહમાંથી યુવતીઓને નાશી જતાં અટકાવવા નિયમો અને સ્ટેટ લેવલ કમિટિની રચના કરાશે
- નારી સંરક્ષણ ગૃહમાં આવેલી મહિલાઓને લાંબાગાળાનું કાઉન્સિલિંગ આપવાની વ્યવસ્થા કરવામાં આવશે અને સમયાંતરે સાઇકિયાટ્રિસ્ટને બતાવવાનું રહેશે.
- શિક્ષણ અને રોજગારની તકો માટેની ટ્રેનિંગ અને કાનૂની સહાય માટે મદદ પૂરી પાડવાની રહેશે.
- દાક્તરી ઈલાજ માટે પણ સહાય પૂરી પાડવાની રહેશે.
- વિવિધ સરકારી યોજનાઓનો લાભ આ મહિલાઓને મળે તે માટે પણ કામગીરી કરવાની રહેશે.
- આવી મહિલાઓના સમાજમાં પુનઃવસન માટે તેમને સશક્ત બનાવી અને આત્મનિર્ભર કરવા માટેના પ્રયાસો કરવાના રહેશે.
- નારી સંરક્ષણ ગૃહની આસપાસ યોગ્ય ઊંચાઇ વાળી કંમ્પાઉન્ડ વોલ બનાવવાની રહેશે અને નારી સંરક્ષણ ગૃહનો દરવાજો હંમેશા બંધ રાખવાનો રહેશે.
- નારી સંરક્ષણ ગૃહના તમામ સ્ટેજ પોઇન્ટસ પર CCTV લગાવવાના રહેશે.
- જ્યાં જરૂર જણાય ત્યારે મહિલા અને બાળ વિકાસ કમિશ્નરની મંજૂરીથી ખાનગી સિક્યુરિટી એજન્સીના કર્મીઓને ડિપ્લોય કરી શકાશે.
- શક્ય હોય ત્યાં સુધી નારી સંરક્ષણ ગૃહમાં સુરક્ષાકર્મી તરીકે મહિલાઓને લેવાની રહેશે, સિક્યુરિટી ગાર્ડ તરીકે પુરુષને લેવામાં આવે તો સંભવ હોય ત્યાં સુધી તેને નાઈટ શિફ્ટ કે નાઈટ ડ્યુટી આપવાની રહેશે.
- નારી સંરક્ષણ ગૃહના રુમ ડોરમેટરી વિગેરેમાં ભીડ થાય તે પ્રકારનું એકોમોડેશન આપી શકાશે નહીં.
- નારી સંરક્ષણ ગૃહના તમામ ભાગોમાં સ્વચ્છતા જાળવવાની રહેશે.
- નારી સંરક્ષણ ગૃહના ખુલ્લા ભાગમાં નાનો બગીચો વિકસાવી શકાશે.
- નારી સંરક્ષણ ગૃહમાં વેન્ટિલેશન પીવાના પાણીની સુવિધા પુરતો હવા ઉજાસ યોગ્ય પ્રકારના શૌચાલયની ઉપલબ્ધતા જરૂરી.
- દરેક નારી સંરક્ષણ ગૃહમાં ઓછામાં ઓછું એક શૌચાલય દિવ્યાંગો માટે બનાવવું પડશે.
- ફાયર સેફ્ટી માટેની યોગ્ય સુવિધા રાખવાની રહેશે.
- નારી સંરક્ષણ ગૃહમાં રહેતા લોકોને પૂરતા ન્યુટ્રિશન વાળો ખોરાક કપડા અને બિલ્ડિંગ મળે તેની વ્યવસ્થા કરવાની રહેશે.
- નારી સંરક્ષણ ગૃહ ફરિયાદ નિવારણ કેન્દ્ર રાખવાનું રહેશે અને આ ફરિયાદ નિવારણ કેન્દ્ર પારદર્શિતા અને એકાઉન્ટ એબીલીટીથી કામ કરે તે પ્રકારની વ્યવસ્થા ઉભી કરવાની રહેશે.
- નારી સંરક્ષણ ગૃહમાં રહેતા લોકોના મનોરંજન અને પ્રમોદ માટે યોગ્ય વ્યવસ્થાઓ ઊભી કરવાની રહેશે.
- નારી સંરક્ષણ ગૃહમાં સવારે 10 થી 12 અને સાંજે 4 થી 6 સુધીમાં મુલાકાતનો સમય રહેશે.
- HIV એઇડ્સ જેવી ગંભીર બીમારી, શારીરિક ખોડખાંપણ કે ગંભીર પ્રકારના વ્યસનથી પીડાતી મહિલાઓ માટે તેમની જરૂરિયાત પ્રમાણે ખાસ સારવારની વ્યવસ્થા કરવાની રહેશે.
- માનસિક રીતે અસ્વસ્થ મહિલાઓ કે માનસિક બીમારી વાળી મહિલાઓ પણ ખાસ કાળજી અને સારવાર કરવાની રહેશે.
રાજ્યના અનેક નારી સંરક્ષણ ગ્રૃહમાં યુવતીઓ ભાગી જતિ હોવાની ફરિયાદ બાદ હાઈકોર્ટમાં દાખલ જાહેર હિતની અરજી બાદ સરકાર દ્વારા નવા નિયમો બનાવ્યા છે. અને સ્ટેટ લેવલ કમિટિની રચના કરવામાં આવી છે. જેના ભાગરૂપે પરિણામો સારા આવશે તેવી આશા વ્યકત કરવામાં આવી રહી છે.
