અમદાવાદમાં અસ્થિર મગજની યુવતીની એકલતાનો લાભ લઇ દુષ્કર્મ આચર્યુ

અમદાવાદઃ ઈસનપુર વિસ્તારમાં અસ્થિર મગજની યુવતી સાથે દુષ્કર્મની ઘટના પ્રકાશમાં આવી છે. પડોશમાં રહેતા નરાધમ યુવક અસ્થિર મગજની યુવતી સાથે દુષ્કૃત્ય કરી ફરાર થઈ ગયો હતો. પોલીસે ગણતરીના કલાકોમા જ આરોપીની ધરપકડ કરી આગળની વધુ તપાસ હાથ ધરી છે.

અમદાવાદના ઈસનપુર વિસ્તારમાં એક અસ્થિર મગજની યુવતી ઘરમાં એકલી હતી, ત્યારે એકલતાનો લાભ લઈ આ નરાધમે તેની સાથે દુષ્કર્મ આચર્યું હતું. જોકે, પોલીસે ગણતરીના કલાકોમાં આરોપી અજય રામસિંગની ધરપકડ કરી આગળની કાર્યવાહી શરુ કરી હતી. આ તરફ પોલીસે યુવતીના પરિવારજનની ફરિયાદ લઈ યુવતીનું મેડિકલ પરિક્ષણ કરાવી આગળની વધુ તપાસ શરુ કરી છે.

સમગ્ર ઘટનાની વાત કરીએ તો, 29 ઓકટબરની રાત્રીના સમય યુવતી ઘરમાં એકલી સુઈ રહી હતી, ત્યારે આરોપી તેના ઘરમાં ઘુસી ગયો અને તેની સાથે દુષ્કર્મ આચર્યુ હતું. પરંતુ, પાડોશીઓ જાગી જતા આરોપી નાશી ગયો હતો. આ મામલે તાત્કાલિક પોલીસને જાણ કરવામાં આવી અને પોલીસે તપાસ શરુ કરી હતી.

આ અંગે જે. ડિવિઝનના ACP રાજપાલ રાણાએ જણાવ્યું હતું કે, યુવતી અસ્થિર મગજની હતી જેથી આરોપીએ એકલતાનો લાભ લઈ તેની સાથે દુષ્કર્મ આચર્યુ હતું. જોકે, પોલીસે ગણતરીના કલાકોમા જ આરોપી સુધી પહોંચી તેની ધરપકડ કરી હતી.