અમદાવાદમાં ફાયર વિભાગના કર્મચારીઓ 24 કલાક ફરજ બજાવીને કરશે દિવાળીની ઉજવણી

અમદાવાદઃ દિવાળી એટલે કલરોનો તહેવાર. દિવાળી હોય અને લોકો ફટાકડા ફોડવાનું કેમ ચુકે? ખાસ તો ગુજરાતીઓ દિવાળીમાં ફટાકડા અને રંગોળી વિના ઉજવતા નથી. ફટાકડા ફોડતી વખતે ઘણી વખત લોકો એટલા મશગુલ થઈ જાય છે કે ફટાકડાના કારણે ક્યારે આગ લાગી જાય તે જાણતા નથી, ત્યારે આગ પર કાબુ મેળવનાર ફાયર ફાઈટર માટે દિવાળીએ એલર્ટનો તહેવાર થઈ જાય છે. એટલા માટે જ અમદાવાદમાં ફાયર વિભાગના તમામ કર્મચારીઓની રજા કેન્સલ કરવામાં આવી છે.

દિવાળી દરમિયાન કોઈ આગની ઘટના બને જેના કારણે કોઈ નુકસાન કે જાનહાનીના સર્જાય તે માટે ફાયર વિભાગ 24 કલાક ખડેપગે રહેશે. અમદાવાદમાં ફાયર વિભાગના કર્મચારીઓની રજા પણ કેન્સલ કરવામાં આવી છે. દિવાળીના પર્વમાં ફાયર વિભાગના કર્મચારીઓ પરિવાર સાથે નહીં પરંતુ, આગ કે અન્ય કોઈ ઘટનામાં લોકોની સેવા, જાનહાની અટકાવવા તથા નુકસાન અટકાવીને દિવાળી ઉજવશે.