અમદાવાદની સિવિલ હોસ્પિટલમાં ઈ.સ.1990 ડૉ. એચ. એલ. ત્રિવેદી કિડની હોસ્પિટલની શરૂઆત કરી હતી. ડોક્ટર ત્રિવેદીએ વિશ્વમાં અનેક લોકોની કિડની સફળ રીતે ટ્રાન્સપ્લાન્ટ કર્યુ છે. પરંતુ છેલ્લા કેટલાય સમયથી એચ.એલ.ત્રિવેદીની તબિયત ખરાબ હોવાથી તેમની સારવાર ચાલી રહી હતી. ત્યારે તેમની તબિયત વધુ લથડતા સિવિલ હોસ્પિટલના કિડની વિભાગમાં જ તેમને વેન્ટિલેટર પર રાખવામાં આવ્યા છે.
હાલ ડૉ. ત્રિવેદીની સિવિલ હોસ્પિટલમાં નિષ્ણાત ડોક્ટર દ્વારા તેમની સારવાર ચાલી રહી છે. ડોકટર ત્રિવેદીને ઉંમરના કારણે મગજના જ્ઞાન તંતુ સુકાઈ ગયા છે તથા તેમને લીવરની પણ તકલીફ છે. હાલ તેમની સારવાર ચાલી રહી છે અને તેમની પત્ની પણ તેમની સાથે જ છે.
