ગોળી મારી હત્યા થયેલી વ્યક્તિને આકસ્મિક ક્લેઇમની પોલિસીની રકમ ચૂકવવા કોર્ટનો આદેશ

કન્ઝ્યુમર કોર્ટે લાઈફ ઈન્સ્યોરન્સ કંપનીને મર્ડર એક્સિડેન્ટલ ડેથના પૈસા ચૂકવવા આદેશ કર્યો છે. વર્ષ 2009માં વસ્ત્રાપુરમાં રહેતા નરેન્દ્ર પરમારને અજાણ્યા શખ્સોએ પાછળના ભાગે ગોળી મારી હત્યા કરી હતી. તે સમયે તેમણે 19 જુદી-જુદી ઈન્સ્યોરન્સ સ્કીમ્સ અંતર્ગત 14.6 લાખના કુદરતી અકસ્માત અને આકસ્મિક અકસ્માતની પોલિસી લીધી હતી.

• નરેન્દ્રના પત્નીએ ઈન્સ્યોરન્સ કંપની તમામ પોલિસી માટે ક્લેઇમ કર્યો હતો
• મૃત્યુ પામનારા વ્યક્તિ માટે તો એ આકસ્મિક મૃત્યુ જ છે
• LICને કન્ઝ્યુમર કોર્ટે મર્ડર એક્સિડેન્ટલ ડેથના પૈસા ચૂકવવા આદેશ કર્યો

અમદાવાદ : નરેન્દ્રના મૃત્યુ પછી તેમના પત્ની ચેતના પરમારે ઇન્સ્યોરન્સ કંપનીમાં તમામ પોલિસી માટે ક્લેઇમ કર્યો હતો. પરંતુ પોલિસી કંપની દ્વારા ક્લેઇમ રિજેક્ટ કરવામાં આવી હતી. આ મુદ્દે તેમણે ફોરમ કોર્ટમાં અરજી કરતા પ્રાથમિક ધોરણે કોર્ટે મર્ડર માટે એક્સિડેન્ટલ ક્લેઇમમાં મંજૂર ન થઇ શકે તેવો ચુકાદો આપ્યો હતો.

વ્યક્તિનું મર્ડર થયું ત્યારે મર્ડરમાં તેમની કોઈ ભૂમિકા ન હતી

આ સામે અપીલમાં જતા કોર્ટે લાઈફ ઇન્સ્યોરન્સ કંપનીને પૈસા ચૂકવવા આદેશ કર્યો હતો. કોર્ટે નિર્ણય આપ્યો હતો કે, જયારે વ્યક્તિનું મર્ડર થયું ત્યારે મર્ડરમાં તેમની કોઈ ભૂમિકા ન હતી. મૃત્યુ પામનારા વ્યક્તિ માટે તો એ આકસ્મિક મૃત્યુ જ છે.

ઓફિસની નીચે અજાણ્યા બંદૂકધારીઓએ ગોળી મારી

એડવોકેટ વી.એમ. પંચોલીએ જણાવ્યું કે, 3 માર્ચ 2009ના રોજ નરેન્દ્રસિંહ પરમાર કે, જેમણે ઈન્સ્યુરન્સ પોલિસી લીધેલી હતી. તેમને તેમની ઓફિસની નીચે અજાણ્યા બંદૂકધારીઓએ ગોળી મારી હતી. જેમાં તેમનું મોત થયું હતું. તેમના પત્ની દ્વારા પોલિસી માટે વીમા કંપનીમાં ક્લેઇમ કરવામાં આવ્યો.

કોર્ટે વીમા કંપનીને પોલિસીની રકમ ચૂકવવા આદેશ કર્યો

કંપનીએ નેચરલ ડેથ પોલિસીની તમામ રકમ ચૂકવી પણ એક્સિડેન્ટલ ક્લેઇમ એવા ગ્રાઉન્ડ ઉપર રદ્દ કર્યો કે હત્યા આકસ્મિક મૃત્યુમાં ન આવી શકે નહિ. આ મુદ્દે અમે કોર્ટમાં રજૂઆત કરી અને કોર્ટે વીમા કંપનીને પોલિસીની રકમ ચૂકવવા આદેશ કર્યો છે.

આ પણ વાંચો -