મીન: શેરસટ્ટાની પ્રવૃત્તિમાં આપને આર્થિક લાભ થશે. લગ્ન કરવા ઇચ્છતા યુવક- યુવતીઓની ઇચ્છાપૂર્તિ થાય. નોકરી- વ્યવસાય ક્ષેત્રે લાભ થાય. ગૃહસ્થજીવનનો આનંદ માણી શકશો. પરિવારમાં સુખશાંતિ છવાયેલી રહેશે. મનોહર સ્થળે પ્રવાસ થાય. મિત્રવર્તુળથી લાભ થાય. મધ્યાહન બાદ આપને કોઇ કારણસર માનસિક ચિંતા રહે. ધાર્મિક કાર્ય પાછળ ધનખર્ચ થાય. આવકના પ્રમાણમાં ખર્ચ વધે. પરિવારની શાંતિ જળવાશે.
મેષ: ઉઘરાણી પ્રવાસ અને આવક વગેરે માટે આજનો દિવસ સારો છે. વેપારને લગતા કાર્યોમાં લાભ થાય. મિત્રો આપ્તજનો અને સરકાર દ્વારા લાભપ્રાપ્તિ થાય. અકસ્માતથી સાચવવું. સામાજિક કાર્યોથી આપને લાભ થાય. આપને ત્યાં શુભ પ્રસંગોનું આયોજન થાય. શેર-સટ્ટાકીય પ્રવૃત્તિમાં આર્થિક લાભ થાય. પત્નીનું આરોગ્ય ચિંતા કરાવે.
વૃષભ: આપનો આજનો દિવસ પ્રતિકૂળતાઓ અને અનુકૂળતાઓનું મિશ્રણ હશે. વ્યવસાયમાં આપ નવી વિચારસરણીનો અમલ કરશો. આળસ અને કંટાળો દૂર કરવા માટે રુટિન કામમાંથી વિરામ લઈને મનગમનતી પ્રવૃત્તિઓ કરી શકો છો. પ્રતિસ્પર્ધીઓ સાથે વાદવિવાદમાં ન ઉતરવું. આજે આગ તથા પાણીથી થતા અકસ્માતથી સાવચેત રહેવાની સલાહ છે. વેપારીઓને ઉઘરાણી અર્થે કરેલી મુસાફરીથી લાભ થાય. નોકરીમાં બઢતી મળશે. બાળકોની પ્રગતિ થાય અને ગૃહસ્થજીવન આનંદપૂર્ણ રહે.
મિથુન: આપને આજે નકારાત્મક વિચારસરણી ન ધરાવવાની સલાહ આપવામાં આવે છે. ખાવાપીવામાં ધ્યાન રાખવું. વાહન ચલાવતાં સંભાળવું. આકસ્મિક ધનખર્ચ થાય. કોઇક કારણસર અચાનક બહારગામ જવાનો પ્રસંગ ઉભો થાય. બપોર પછી આપ બૌદ્ધિક કે સાહિત્યિક પ્રવૃત્તિઓમાં રચ્યાપચ્યા રહેશો. આપની માનસિક અસ્વસ્થતા ઓછી હશો. સંતાનોની બાબતોમાં તમારે સમય અને ખર્ચ બંને આપવા પડશે. ધનવ્યયથી બચવું.
કર્ક: આજે આપ કોઇક સાથે લાગણીના સંબંધે બંધાશે. આપ વધુ પડતા ભાવનાશીલ રહેશો. વિજાતીય સંબંધો તરફ આપને વિશેષ આકર્ષણ રહેશે. મોજશોખ, મનોરંજનથી મન પ્રફુલ્લિત રહેશે. તેમાંય મિત્રો અને પ્રિયપાત્રનો સહવાસ સોનામાં સુગંધ ભેળવશે. બપોર પછી આપની તંદુરસ્તીની કાળજી લેવી પડશે. વાહન ચલાવતાં સાવચેતી રાખવી. ક્રોધને કાબૂમાં રાખવો. વાણીમાં ઉગ્રતા ટાળવી. નવા કામની શરૂઆત માટે દિવસ સારો નથી.
સિંહ: વર્તમાન સમયમાં આપના વેપાર કે ધંધાનું વિસ્તરણ થશે. વ્યવસાય અને નાણાં અંગેનું આયોજન પણ કરી શકશો. યોગ્ય કારણસર ધનખર્ચ થાય. સ્ત્રી મિત્રો સાથે મેળાપ થાય. દેશવિદેશમાં વ્યવસાય કરનારાઓને ફાયદો થશે. દલાલી, કમિશન, વ્યાજ વગેરેની આવકમાં વૃદ્ધિ થવાથી આપને નાણાંની છૂ૮ રહેશે. પ્રબળ ધનલાભના યોગો છે. કાર્યોમાં સફળતા મળે. તંદુરસ્તી સારી રહે.
કન્યા: આપનો આજનો દિવસ સુખશાંતિથી પસાર થશે. ખાસ કરીને પ્રિયજનો માટે રોમાન્સની પળો માણવા માટે અનુકૂળ દિવસ છે. શ્રૃંગારિક વસ્તુઓની ખરીદી થાય. કલા પ્રત્યે વિશેષ અભિરૂચિ રહે. વ્યાપાર ધંધાની વિકાસવૃદ્ધિ માટે આજનો દિવસ ખુબ સારો રહેશે. નાણાની લેવડદેવડમાં સરળતા પડે. ઘરમાં શાંતિ અને આનંદનું વાતાવરણ જળવાય. આરોગ્ય સુખાકારી રહેશે. નોકરીમાં અનુકૂળ વાતાવરણ અને સહકાર્યકરોનો સાથ સહકાર મળે.
તુલા: આપનો આજનો દિવસ મધ્યમ ફળદાયી રહેશે. શરીરમાં તાજગી સ્ફૂર્તિ ઓછી રહે. માનસિક ઉદ્વેગ થઈ શકે છે. કુટુંબમાં કલેશ ટાળવા માટે તમે દરેક વ્યક્તિ સાથે વર્તનમાં સૌમ્ય રહેજો અને સૌને પૂરતો આદર આપજો. જાહેરજીવનમાં માનહાનિ થાય તેવા કાર્યોથી દૂર રહેવું. મધ્યાહન બાદ આપની શારીરિક અને માનસિક હાલતમાં સુધારો થાય. આપ સર્જનાત્મક અને કલાત્મક પ્રવૃત્તિઓમાં પ્રવૃત્ત થશો. રોમાન્સ અને પ્રેમની લાગણીઓ વ્યક્ત કરવા માટે સમય અનુકૂળ છે.
વૃશ્ચિક: આજે આપને સંપત્તિને લગતા કામકાજોનો ઉકેલ મળશે. ગૃહસ્થજીવનના પ્રશ્નો હલ થાય. નોકરિયાતો માટે અનુકૂળ સમય છે. ભાઇભાંડુઓનું વલણ સહકારભર્યું હોય. હરીફો પર વિજય મળે પરંતુ બપોર પછી શારીરિક, માનસિક પ્રતિકૂળતાઓ રહેશે. જાહેરજીવનમાં અપયશ મળે. કુટુંબના સભ્યો સાથે અણબનાવ થાય. સમયસર ભોજન ન મળે. અનિદ્રાનો ભોગ બનો. ધનહાનિ થાય.
ધન: આપ્તજનો સાથે મનદુ:ખ ન થાય તે માટે ધ્યાન રાખવાની સલાહ આપવામાં આવે છે. આરોગ્ય મધ્યમ રહેશે. આધ્યાત્મિક પ્રવૃત્તિઓ માટે સારા દિવસ છે. આર્થિક લાભ થાય. વિદ્યાર્થીઓએ વિદ્યાભ્યાસમાં વધારે ધ્યાન આપવું પડશે. બપોર પછી આપ પરિસ્થિતિમાં અનુકૂળતા અનુભવશો. મનની મૂંઝવણનો ઉકેલ મળશે. તન-મન સ્વસ્થ બનશે. શત્રુઓની ચાલ સફળ નહીં થાય.
મકર: આજે આપની ધાર્મિક અને આધ્યાત્મિક પ્રવૃત્તિઓ વધી જશે. નોકરી -ધંધામાં અનુકૂળ પરિસ્થિતિ આવે. આપનું દરેક કાર્ય સરળતાથી પૂર્ણ થશે. ગૃહસ્થ જીવનમાં આનંદ રહેશે. ઓફિસ અને વ્યવસાયમાં આપનું વર્ચસ્વ વધશે. મધ્યાહન પછી આપના વિચારોમાં થોડી નકારાત્મકતાનું પ્રમાણ જોવા મળે. તેના પરિણામે માનસિક હતાશા અનુભવશો. શેરસટ્ટામાં મૂડી રોકાણ કરી શકશો. ગૃહિણીઓને માનસિક અસંતોષનો અનુભવ થાય.
કુંભ: આજના દિવસે આપનામાં ધાર્મિક ભાવના વધારે રહેશે. આપ ધાર્મિક કાર્યો કે ધાર્મિક યાત્રા પાછળ ખર્ચ કરશો. કોર્ટ કચેરીના કાર્યો સફળ થશે. પુણ્યકાર્ય પાછળ નાણાં ખર્ચ થાય. આધ્યાત્મિકતા અને ઇશ્વરની આરાધના આપના મનની શાંતિ જાળવી રાખશે. મધ્યાહન બાદ આપનું દરેક કાર્ય સરળતાથી પાર પડશે. ગૃહસ્થજીવનમાં સંવાદિતા જળવાશે. શરીર સ્વાસ્થ્ય સારું રહેશે.
