કોગ્રેસમાંથી રાજીનામું આપનાર અલ્પેશ ઠાકોરને ધારાસભ્ય રદ કરવા વિધાનસભાના સ્પીકરે પગલા લીધા નહોતા. જેથી આ અંગે હાઈકોર્ટમાં દાખલ કરાયેલી અરજી મુદેે જસ્ટીસ એસ.આર. બ્રહ્મભટ્ટ અને બિરેન વૈષ્ણવની ખંડપીઠ દ્વારા સુનાવણી હાથ ધરાઈ હતી. કોર્ટમાં આજે અલ્પેશે સોંગદનામું રજુ કરતા પોતે પાર્ટીમાંથી પ્રાથમિક સભ્યપદથી નહિ પરતું સાત અલગ-અલગ હોદ્દા પદથી રાજીનામું આપ્યું હોવાનું જણાવ્યું હતું. હાઈકોર્ટમાં અલ્પેશ ઠાકોર અને વિધાનસભાના સ્પીકર રાજેન્દ્ર ત્રિવેદી વતી સોંગદનામું રજુ કરવામાં આવ્યું હતું. જેમાં અલ્પેશ ઠાકોર વતી જણાવવામાં આવ્યું હતું કે, પોતે પાર્ટીના પ્રાઈમરી સભ્યપદેથી નહિ પરતું હોદ્દા પદથી રાજીનામું આપ્યું હતુ. વોટ્સએપ માધ્યથી પાર્ટીના આધ્યક્ષને મોકલવામાં આવેલુ રાજીનામું બંધારણ પ્રમાણે ગેરકાયદેસર હોવાની દલીલ કરી હતી.
આ મુદે અરજદાર કોગ્રેસના અશ્વિન કોટવાલના વકીલ રદય બુચે હાઈકોર્ટમાં દલીલ કરી હતી કે, અલ્પેશને ગેરલાયક ઠરાવવા વિધાનસભાના સ્પીકરને બે મહિના અગાઉ રજુઆત કરી હોવા છતાં હજી સુધી અલ્પેશને નોટીસ પણ પાઠવી નથી. સ્પીકર પગલા ન લેતા હોવાથી હાઈકોર્ટ આદેશ આપે. જો એમ નહીં થાય તો કેસ આશરે 5 થી 6 મહિના જેટલું લાંબો ચાલશે. સ્પીકર રાજેન્દ્ર ત્રિવેદી વતી એડવોકેટ જનરલ કમલ ત્રિવેદીએ દલીલ કરી હતી કે, હાઈકોર્ટ પાસે વિધાનસભા સ્પીકર ઓર્ડર પહેલાં આદેશ આપવાની સત્તા નથી. વિધાનસભાના સ્પીકરને નિર્ણય લેવા જ્યુડીશયરી ફરજ પાડી શકે નહીં. સ્પીકર ઘણા કર્યો માટે જવાબદાર હોય છે અને મર્યાદિત દિવસમાં ધારાસભ્યોને ગેરલાયક ઠારવવાની કોઈ જોગવાઈ નથી.
આ મુદે વાતચીત કરતા અલ્પેશ ઠાકોરે જણાવ્યું હતું કે, 'કોગ્રેસે લોકસભાની ચુંટણી દરમિયાન મારી વિરૂધ નિવેદનબાજી કરી છે. કોગ્રેસને પ્રજાના મતની નહીં પરંતુ પોતાની ખુરશીની ચિંતા છે. 2019ની હારની જવાબદારી કોઈ લેવા તૈયાર નથી. કોગ્રેસ પ્રસદ્ધિ મેળવવા બેફામ નિવેદન આપી રહી છે.
ઉલ્લેખનિય છે કે, 10 એપ્રિલે અલ્પેશ ઠાકોરે પોતાના ઓફિસિયલ ફેસબુક અકાઉન્ટ પરથી તમામ પદેથી રાજીનામું આપ્યો હોવાનો રાજીનામાનો લેટર પોસ્ટ કર્યો હતો. બીજી બાજુ અલ્પેશ ઠાકોર આગામી 29મી અને 30મી જુને ઠાકોર સેનાની ઔપચારિક બેઠક બોલાવશે ત્યારબાદ ચોમાસા સત્ર પછી ભાજપનો ભગવો ધારણ કરે એવી શક્યતા વર્તાય રહી છે. અલ્પેશ ઠાકોરની સાથે બાયડના ધારાસભ્ય ધવાલસિંહ ઝાલા અને બહુચરજીના ધારાસભ્ય ભરતજી ઠાકોર પણ ભાજપમાં જોડાય તેવી સંભાવનાઓ છે.
