અમદાવાદ ગ્રામ્ય SOGએ ઘર વખરીના સામાનની આડમાં વિદેશી દારૂ લઈ જનાર ટ્રકને ડ્રાઇવર સાથે ઝડપ્યો

રાજ્યમાં દારૂબંધી હોવા છતા આસપાસના રાજ્યોમાંથી કરોડો રૂપિયાનો દારૂ મોટી માત્રામાં ગુજરાતમાં લાવવામાં આવી રહ્યો છે, ત્યારે ગ્રામ્ય SOGએ રાજકોટ હાઇવે પરથી ઘર વખરીના સામાનની આડમાં 340 નંગ દારૂની પેટી લઈને આવી રહેલ ટ્રક ચાલકને ઝડપી પાડયો હતો.

અમદાવાદ: અમદાવાદ ગ્રામ્ય SOGના PI કે.કે.જાડેજાને બાતમી મળી હતી કે ઘર વખરીનો સામાન લઈને નીકળેલા ટ્રકમાં વિદેશી દારૂ ભરેલો છે. ત્યારે બગોદરા પાસે ટ્રકને અટકાવવામાં આવી હતી. જેમાં તપાસ કરતા ઘર વખરીના સામાનની પાછળ છુપાવેલો વિદેશી દારૂ મળી આવ્યો હતો. દારૂ સાથે પકડાયેલ આરોપી લાલસીંગ મૂળ રાજસ્થાનનો વતની છે અને તેના ટ્રકમાંથી 340 નંગ દારૂની બોટલ પોલીસે પકડી હતી.

ગ્રામ્ય SOGએ આરોપી લાલસિંહની ધરપકડ કરી હતી. 340 બોટલ દારૂ અને એક ટ્રક સહિત કુલ 12.24 લાખનો મુદ્દામાલ જપ્ત કર્યો હતો. આરોપી દારૂ ક્યાંથી આવ્યો અને કોને આપવાનો હતો તે અંગે પોલીસ તપાસ ચલાવી રહી છે.

અમદાવાદ ગ્રામ્ય SOGએ ઘર વખરીના સામાનની આડમાં વિદેશી દારૂ લઈ જનાર ટ્રકને ડ્રાઇવર સાથે ઝડપ્યો