શહેરના એસ.જી. હાઇવે પર રહેતા ભાવિન ચશ્માંની દુકાન ચલાવે છે. ભાવિને પોતાના ત્યાં રહેતી પલક નામની યુવતી સાથે પ્રેમસંબંધ હતો, પરંતુ પલકના પરિવારજનો લગ્ન કરવા તૈયાર ના હોવાથી બંને જણાએ પ્રેમ લગ્ન કર્યા હતા અને શાંતિથી જીવન ગુજરી રહ્યા હતા. આ દરમિયાન પરિવારજનોએ બંનેને સમાધાન માટે નવરંગપુરા જૈન દેરાસરની ઓફીસમાં બોલાવ્યા હતા. ઓફિસમાં બંને પરિવાર અને ભાવિન તથા પલક વચ્ચે વાત ચાલી રહી હતી.
પ્રેમ લગ્ન કરનાર યુવક યુવતીને મળવા બોલાવી પરિવારે યુવતીનું અપહરણ કર્યું વાતચીત દરમિયાન એક ટોળું મંદિરમાં આવ્યું હતું અને ભાવિન તથા તેના પરિવાર પર લાકડી અને પાઇપ વડે હુમલો કર્યો હતો. ઘટનાને લઈને દેરાસરમાં અફરતાફરીનો માહોલ સર્જાયો હતો. આ મારમારીમાં ભાવિન અને તેના પરિવારજનોને ઇજા પહોંચી હતી. હુમલો કરવા આવેલા લોકો પલકને અપહરણ કરીને સાથે લઈ ગયા હતા. ઘટનાની જાણ થતા પોલીસ અને એમ્બ્યુલન્સની ટીમ પણ ઘટના સ્થળે પહોંચી હતી. આ સમગ્ર ઘટના દેરાસરના CCTV કેમેરામાં કેદ થઈ હતી. આ મામલે નવરંગપુરા પોલીસ સ્ટેશનમાં ભાવિને ફરિયાદ નોંધાવી છે. જેના આધારે પોલીસે વધુ તપાસ હાથ ધરી છે.
