અમદાવાદમાં HSRP નંબર પ્લેટ વગરના વાહન ચાલકોને કરાયો દંડ

અમદાવાદઃ 23 નવેમ્બરથી 30 નવેમ્બર સુધી ટ્રાફિક પોલીસ દ્વારા વાહનોના નંબર પ્લેટને લઈને ડ્રાઈવ યોજવામાં આવી છે. જેમાં HSRP નંબર પ્લેટ વિનાના વાહન ચાલકોને દંડવામાં આવ્યા હતા.

શહેરના તમામ વિસ્તારોમાં પોલીસ દ્વારા નંબર પ્લેટને લઈને ખાસ ડ્રાઈવ યોજવામાં આવી હતી. .ફેન્સી નંબર પ્લેટ, તૂટેલી નંબર પ્લેટ અને વિના નંબર પ્લેટના વાહનો ચાલકોને દંડવામાં આવ્યા હતા. જે વાહન ચાલકો પાસે HSRP નંબર પ્લેટની RTOની એપોઇન્ટમેન્ટ હતી તેમને દંડવામાં આવ્યા ન હતા. ટુ વ્હીલર ચાલકોને 300 રૂપિયા, થ્રિ વ્હીલર ચાલકોને 400 અને ફોર વ્હીલર ચાલકોને 500 રૂપિયાનો દંડ ફટકારવામાં આવ્યો હતો.

આ ડ્રાઈવથી કેટલાક વાહન ચાલકો પરેશાન થયા હતા અને તેમને શહેરના મુખ્ય વિસ્તારોમાં નંબર પ્લેટ માટેના સેન્ટરો ખોલવાની માંગ કરી હતી. RTOમાં નંબર પ્લેટ માટે લોકોની લાંબી કતાર લાગે છે. જેનાથી લોકોને મુશ્કેલી થાય છે.