ફરિયાદી રોહિત શર્માને તેના પરિવાર અને ઓળખીતાને કેનેડા વર્ક પરમીટ આપવાના નામે આરોપી નીરજ ગુપ્તાએ 1 કરોડ 34 લાખનું ફુલેકુ ફેરવી નાખ્યું છે. આરોપી કોલકત્તાનો રહેવાસી છે અને રૂપિયા લઈને ફરાર થઇ ગયો છે. એફેમોન્ટલ ઓનલાઇન નામે ખોટી વેબસાઈટ બનાવીને કેનેડા લઈ જવાના નામે છેતરપિંડી આચરી છે. બનવાટી વિઝા અને રેસિડેંટની નકલો આપીને આરોપીએ છેતરપિંડી આચરી છે.
આરોપીની ચાલાકીમાં ફરિયાદી કેનેડા જવાના લાલચમાં આવીને ટુકડે-ટુકડે એક કરોડથી વધુની રકમ આપી હતી. આરોપી સમગ્ર ચિટિંગ ઓનલાઇન ખોટી વેબ સાઈટ બનાવીને કરી હતી. ફરિયાદીને વિશ્વાસમાં લઈને આરોપી કેનેડાની કંપનીનો એજન્ટ છે અને વર્ક પરમીટ આપવાનું કહીને રોહિત નટવર શર્મા જે ચાંદલોડિયાનો રહેવાસી છે. તેની સાથે છેતરપિંડી આચરી ચુક્યો છે. ફરિયાદીના સગા સહિત કુલ 24 લોકો સાથે આરોપીએ છેતરપિંડી આચરી છે. જેની તપાસ હવે સોલા પોલીસે હાથ ધરી છે.
