- જાપાનમાં ટોક્યો ઓલિમ્પિક ગેમ્સને લઇને તૈયારીઓ
- મોબાઈલ ટ્રેકિંગ સોફ્ટવેર માટે 67 મિલિયન ખર્ચાશે
- વિદેશી દર્શકોને મંજૂરી નથી ત્યાં એપની સફળતાને લઇને વિવાદ
ટોક્યોઃ ટોક્યો ઓલિમ્પિક્સ ગેમ્સ દરમિયાન કોરોના વાયરસ સંક્રમણ અટકાવવાના હેતુથી એક યોજના કરવામાં આવી છે જેમાં મોબાઈલ ટ્રેકિંગ એપ્લિકેશન સોફ્ટવેર બનાવાશે. જાપાની કરદાતાઓના નાણાંમાંથી બનનારા સોફ્ટવેર માટે જાપાનની ટોચની ટેલિકોમ્યૂનિકેશન્સ કંપની 7.3 અબજ યેન એટલે કે આશરે 67 મિલિયન યેન મેળવી રહી છે. એનટીટી કોમ્યુનિકેશન્સ કોર્પોરેશન જે નિપ્પોન ટેલિગ્રાફ અને ટેલિફોન કોર્પ.ની એક જૂથ કંપની છે તે અને ટોક્યો ઓલિમ્પિક્સ ગેમ્સના સ્થાનિક પ્રાયોજક દ્વારા જૂન માસમાં આ સોફ્ટવેર રિલીઝ કરવા તૈયારી કરવામાં આવી રહી છે. આ સોફ્ટવેર બહુવિધ ભાષાઓમાં રજૂ કરવામાં આવશે. સ્થાનિક પ્રાયોજકો દ્વારા તેના માટે 3.75 મિલિયનનું ફંડિગ અપાયું છે. જે પહેલાં યોજાઇ ગયેલી કોઇપણ ઓલિમ્પિકના કુલ ખર્ચ કરતાં વધુ છે. આ ફાળો ટોક્યો ઓલિમ્પિક્સના સત્તાવાર માર્કેટિંગ પાર્ટનર કંપની ડેન્ટસુ દ્વારા ભેગો કરવામાં આવ્યો છે.
આ પણ વાંચોઃ ભારતના સ્ટાર ટેબલ ટેનિસ ખેલાડી જી સાથિયાન ઓલિમ્પિક માટે ક્વાલિફાય થયો
સોફ્ટવેર બિનજરૂરી હોવાનો વિવાદ
ઓલિમ્પિક આયોજનને લઇને શંકા ધરાવનારા અન્ય લોકોની જેમ જ, વિપક્ષના નેતા કનાકો ઓત્સુજીએ ટીકા કરી હતી કે આ એપ્લિકેશન નાણાંનો મોટો બગાડ છે. તેમણે કહ્યું કે દર્શકો હાજર જ રહેવાના નથી ત્યારે આ પ્રકારની સોફ્ટવેર ડિઝાઇનિંગની ક્યાં જરુર છે. જાપાન સરકાર ડિજિટલ ઇનોવેશનના મામલે વારંવાર નિષ્ફળ બની રહી છે, શું તે આ નવી એપથી સફળ બનવાની છે? આ એપને દર્શકોએ તેમના સેલફોન પર ડાઉનલોડ કરવાની છે જેથી સેટેલાઇટ તકનીકથી તેમની આવનજાવન પર નજર રાખી શકાશે, અને તેઓ કોઇ સંક્રમિતના સંપર્કમાં આવે છે તો તે જાણી શકાશે. પણ આ એપ ત્યારે જ સફળ બની શકે જ્યારે તેનો ઇરાદો સારો હોય અને લોકો પ્રામાણિકતાથી વાપરે અને તેમાં પોતાના સ્વાસ્થ્ય અંગેની સાચી જાણકારી આપે.
ઓલિમ્પિકના ખર્ચને લઇને જાપાન સરકાર ભીંસમાં
એનટીટી એપ્લિકેશનની કિંમત અગાઉની ટ્રેકિંગ એપ કરતા લગભગ 20 ગણી વધુ છે. ટ્રેકિંગ એપને લઇને થઈ રહેલા સવાલો સામે એનટીટીએ મૌન સાધી રાખ્યું છે અને સરકાર સુધી તેના સૂચનો મોકલી રહી છે. સરકાર ટોક્યો ઓલિમ્પિક્સની તૈયારી માટે સત્તાવાર 15.4 બિલિયન ડોલર ખર્ચ કરી રહ્યું છે, પરંતુ કેટલાક સરકારી ઓડિટ્સમાં સૂચવાયું છે કે તેમાં ઓછામાં ઓછા 25 બિલિયન ડોલર ખર્ચાશે.જેમાં 6.7 બિલિયન ડોલર જાહેર જનતાના નાણાં છે. કોરોના પેનડેમિકને લઇને ખર્ચમાં વધારો થયો છે તો બીજીતરફ સ્થાનિક વેપારીઓને પ્રોત્સાહન આપવા માટે ઓછા પ્રવાસીઓ હશે. કોરોના પેનડેમિકના પહેલાં 2019માં જાપાનમાં 4.8 ટ્રિલિયન યેન- 44 બિલિયન ડોલરની આવક થઈ હતી જેમાં સૌથી વધુ 31.9 મિલિયન વિદેશી પ્રવાસીઓ આવ્યાં હતાં તેમાં ચીન અને સાઉથ કોરિયાથી વધુ પ્રવાસીઓ આવ્યાં હતાં. હવે કોરોના પેનડેમિકને લઇને તેમાં ધરખમ ઘટાડો નોંધાયો છે અને જાપાનના નેશનલ ટુરિઝમ ઓર્ગેનાઈઝેશનના જણાવ્યાં પ્રમાણે સ્થાનિક પ્રવાસનમાં પણ પહેલાંના વર્ષો કરતાં મોટો ઘટાડો જોવા મળ્યો છે.
આ પણ વાંચોઃ થોમસ બાકની 2025 સુધી IOCનાં પ્રમુખ તરીકે નિમણૂક
બધાં આયોજનો ધરમૂળથી બદલાયાં
કોવિડ19ને લઇને જાપાનમાં લગભગ 9000 હજાર મોત નોંધાયા છે અને કોરોના રસીકરણ માટે પણ હજુ પ્રારંભ થવા જેવી સ્થિતિ જોવા મળે છે. ટોક્યો ઓલિમ્પિક દરમિયાન પ્રવાસન વૃદ્ધિ માટે કામ કરતી સંસ્થા જાપાન કલ્ચરલ એકસ્પોના પ્રવક્તા મરીના નાકાનોએ વાતને સમર્થન આપ્યું હતું કે આગામી સમયમાં કલ્ચરલ ઇવેન્ટના આયોજનોને લઇને હજુ પણ કશું નક્કી કરવામાં આવ્યું નથી. ગયા વર્ષે જે આયોજનો થયાં હતાં તે રદ થયાં હતાં, મુલતવી રહ્યાં હતાં અથવા તો ઓનલાઈન થઈ ગયાં હતાં. નાકાનોને હવે આશા છે કે હવે બધું નોર્મલ થઇ જશે અને પ્રવાસનમાં વધારો થશે જેથી તેમણે કરેલા જાપાનીઝ કલ્ચરલ સંવર્ધનના પ્રયત્નો લાંબા ગાળે સફળ જણાશે. જોકે તેમણે ઉમેર્યું હતું કે બધાં આયોજનો ધરમૂળથી બદલાઈ ગયાં છે.
