પોલિસે આંતરરાષ્ટ્રીય કબડ્ડી ખેલાડીને મારી ગોળી, ઘટનાસ્થળ પર જ મોત

પોલીસ પાસેથી મળતી માહિતી મુજબ ASI અને તેના મિત્રએ અરવિંદજીતની કારનો પીછો કર્યો હતો અને કારને રોકવાનો ઇશારો કર્યો જેના આધારે કાર રોકી હતી. અરવિંદજીત અને તેના મિત્રના કારની નજીક આવ્યા તો પરમજીતને પોતા પર હુમલો થવાની શંકાએ સરકારી ગનથી 4થી 5 ગોળીઓ ચલાવી હતી, જેમાં અરવિંદજીતનું મોત અને તેનો મિત્ર ઘાયલ થયો હતો.

કપૂરથલા : પંજાબના કપૂરથલા જિલ્લામાં પોલીસે કર્ફ્યૂના સમયે વાહનથી જઇ રહેલા 24 વર્ષના આંતરરાષ્ટ્રીય કબડ્ડી ખેલાડી અને તેના મિત્રને ગોળી મારી હતી.

કબડ્ડી ખેલાડી અરવિંદજીત સિંહનું ઘટનાસ્થળ પર જ મોત થયું હતું, જ્યારે તેનો મિત્ર ઘાયલ થયો હતો. પોલિસને શંકા એ હતી કે બંને લોકો તેના પર હુમલો કરી શકતા હતા તેથી તેને ગોળી ચલાવવાની ફરજ પડી. પંજાબ પોલીસે શુક્રવારે આ તમામ માહિતી આપી હતી.