ધર્મશાલા: ઈન્ડિયન પ્રીમિયર લીગની 64મી મેચ પંજાબ કિંગ્સ અને દિલ્હી કેપિટલ્સ વચ્ચે રમાઈ હતી. આ મેચ હિમાચલ પ્રદેશના ધર્મશાલા ક્રિકેટ સ્ટેડિયમમાં રમાઈ હતી. આ મેચ જીતવા માટે પંજાબ કિંગ્સે પોતાની પૂરી તાકાત લગાવી હતી. પણ દિલ્હી કેપિટલે પંજાબને જીત માટે 214 રનનો ટાર્ગેટ આપ્યો હતો. પણ પંજાબ કિંગ્સના બેટ્સમેન રમી શક્યા ન હતા. 20 ઓવરમાં 8 વિકેટ ગુમાવીને 198 રન થયા હતા. આમ 15 રને દિલ્હી કેપિટલ્સ જીતી ગયું હતું. જો કે બન્ને ટીમોને કોઈ જ ફાયદો થયો નથી. કારણ કે પોઈન્ટ ટેબલમાં બન્ને ટીમો લાસ્ટ ફાઈવમાં છે.
214 રનનો ટાર્ગેટ આપ્યો: પ્રથમ બેટિંગ કરતા દિલ્હી કેપિટલ્સે 20 ઓવરમાં 2 વિકેટે 213 રન બનાવ્યા હતા. રિલે રુસોએ 37 બોલમાં 82 રનની અણનમ ઇનિંગ રમી હતી. પૃથ્વી શોએ 54 રનની ઇનિંગ રમી હતી. આ સિવાય કેપ્ટન ડેવિડ વોર્નરે 46 રન અને ફિલિપ સોલ્ટે 26 રન બનાવ્યા હતા. પંજાબ કિંગ્સ તરફથી બોલિંગ કરતી વખતે સેમ કરને 4 ઓવરમાં 36 રન આપીને 2 વિકેટ ઝડપી હતી.
પંજાબ કિંગ્સની બેટિંગઃ પ્રભસિમરન 19 બોલમાં 22 રન, શિખર ધવન(કેપ્ટન) 1 બોલમાં શૂન્ય રન, અથવા ટાઈડે 42 બોલમાં 55 રન, જિતેશ શર્મા(વિકેટ કિપર) 3 બોલમાં શૂન્ય રન, શાહરૂખ ખાન 3 બોલમાં 6 રન, સામ કરન 5 બોલમાં 11 રન, હરપ્રિત બ્રાર 1 બોલમાં શૂન્ય રન, લિયામ લિવિગ્સ્ટન 48 બોલમાં 5 ચોક્કા ને 9 સિક્સ ફટકારીને 94 રન બનાવ્યા હતા. અને રાહુલ ચાહર શૂન્ય બોલમાં શૂન્ય રન(નોટ આઉટ) બનાવ્યા હતા. ટીમને10 રન એકસ્ટ્રા મળ્યા હતા. આમ 8 વિકેટના નુકસાને 198 રનનો કુલ સ્કોર બનાવ્યો હતો.
દિલ્હી કેપિટલ્સની બોલીંગઃ ખલીલ અહેમદ 3 ઓવરમાં 20 રન આપી 1 વિકેટ લીધી હતી. ઈશાંત શર્મા 3 ઓવરમાં 36 રન આપી 2 વિકેટ લીધી હતી. અનરિચ નોર્ટિજ 4 ઓવરમાં 36 રન આપી 2 વિકેટ ઝડપી હતી. મુકેશ કુમાર 4 ઓવરમાં 52 રન આપ્યા હતા. અક્ષર પટેલ 3 ઓવરમાં 27 રન બનાવીને 1 વિકેટ લીધી હતી. કુલદીપ યાદવ 3 ઓવરમાં 21 રન આપ્યા હતા.
પોઈન્ટ્સ ટેબલ ( IPL 2023 Points Table ) આજની મેચના પરિણામ પછી ગુજરાત ટાઈટન્સ 18 પોઈન્ટ સાથે પ્રથમ ક્રમે જ રહ્યું હતું અને તે કવોલીફાઈ થઈ ગયું છે. બીજા નંબરે ચેન્નાઈ સુપર કિંગ્સના 15 પોઈન્ટ, ત્રીજા નંબરે લખનઉ સુપર જાયન્ટ્સના 15 પોઈન્ટ, ચોથા નંબરે મુંબઈ ઈન્ડિયન્સના 14 પોઈન્ટ અને પાંચમાં નંબરે રોયલ ચેલેન્જર્સ બેંગ્લુરુના 12 પોઈન્ટ હતા. રાજસ્થાન રોયલના 12 પોઈન્ટ, કોલકત્તા નાઈટ રાઈડર્સના 12 પોઈન્ટ, પંજાબ કિંગ્સના 12 પોઈન્ટ, દિલ્હી કેપિટલ્સના 10 પોઈન્ટ અને સનરાઈઝર્સ હૈદરાબાદ(ઈ)ના 8 પોઈન્ટ હતા.
19મી ઓવર પછી સ્કોર 190/2: રિલે રુસોએ 17મી ઓવરના બીજા બોલ પર પોતાની અડધી સદી પૂરી કરી છે. ફિલ સોલ્ટ 12 બોલમાં 22 રન અને રૂસોએ 33 બોલમાં 65 રન બનાવ્યા બાદ ક્રિઝ પર હાજર છે. 19મી ઓવર બાદ દિલ્હીનો સ્કોર 2 વિકેટે 190 રન છે. હરપ્રીત બ્રાર 20મી ઓવરમાં બોલિંગ કરી રહ્યો છે.
પૃથ્વી શો 54 રને આઉટ: દિલ્હી કેપિટલ્સની બીજી વિકેટ 14.6 ઓવરમાં પડી હતી. પૃથ્વી શો 38 બોલમાં 54 રન બનાવીને આઉટ થયો હતો. તેની ઇનિંગમાં 7 ફોર અને 1 સિક્સ સામેલ હતી. સેમ કરને તેને અર્થવ તાઈડેના હાથે કેચ કરાવ્યો. પૃથ્વી શૉએ 36 બોલ રમીને શાનદાર ફિફ્ટી બનાવી હતી. રિલે રુસો 21 બોલમાં 45 રન બનાવીને રમી રહ્યો છે. હવે રિલે રુસો અને ફિલિપ સોલ્ટની જોડી ક્રિઝ પર હાજર છે. 15મી ઓવર બાદ દિલ્હીનો સ્કોર 2 વિકેટે 148 રન છે.
ડેવિડ વોર્નર આઉટ: દિલ્હી કેપિટલ્સની પ્રથમ વિકેટ 11મી ઓવરના બીજા બોલ પર પડી હતી. કેપ્ટન ડેવિડ વોર્નર ફિફ્ટી ચૂકી ગયો. તેણે 31 બોલમાં 46 રન બનાવ્યા હતા. તેની ઇનિંગમાં 5 ચોગ્ગા અને 2 છગ્ગાનો સમાવેશ થાય છે. શિખર ધવને સેમ કરનના બોલ પર ડેવિડ વોર્નરના હાથે શાનદાર કેચ પકડ્યો હતો. હવે પૃથ્વી શૉ અને રિલે રુસોની જોડી ક્રિઝ પર હાજર છે. 11મી ઓવર બાદ દિલ્હીનો સ્કોર 1 વિકેટે 103 રન છે.
10મી ઓવર બાદ દિલ્હી કેપિટલ્સનો સ્કોર એકપણ વિકેટ ગુમાવ્યા વિના 93 રન છે. પૃથ્વી શૉ 30 બોલમાં 45 રન અને ડેવિડ વોર્નર 30 બોલમાં 46 રન બનાવીને રમી રહ્યો છે. વોર્નર તેની અડધી સદીની નજીક છે.
દિલ્હી કેપિટલ્સનો સ્કોર 4 ઓવર પછી 35/0: ડેવિડ વોર્નર 25 અને પૃથ્વી શો 10 રન બનાવીને ક્રીઝ પર હાજર છે. આ સાથે દિલ્હી કેપિટલ્સનો સ્કોર 4 ઓવર પછી વિના નુકસાન 35 રન છે. હવે અર્શદીપ સિંહ પાંચમી ઓવરમાં બોલિંગ કરી રહ્યો છે.
બીજી ઓવર પછી દિલ્હી કેપિટલ્સનો સ્કોર 6/0: કાગિસો રબાડા બીજી ઓવરમાં બોલિંગ કરી રહ્યો છે. ડેવિડ વોર્નર 1 અને પૃથ્વી શો 3 રન બનાવીને રમી રહ્યા છે. આ સાથે, પ્રથમ ઓવર પછી, દિલ્હી કેપિટલ્સનો સ્કોર વિના નુકસાન 4 રન છે.
દિલ્હી કેપિટલ્સે બેટિંગ શરૂ કરી: કેપ્ટન ડેવિડ વોર્નર અને પૃથ્વી શોએ દિલ્હી કેપિટલ્સ માટે ઓપનિંગ કર્યું છે. પંજાબ કિંગ્સ માટે સેમ કરન પ્રથમ ઓવરમાં બોલિંગ કરી રહ્યો છે.
પંજાબ કિંગ્સે પ્રથમ બોલિંગ કરવાનો નિર્ણય કર્યો: પંજાબ કિંગ્સના કેપ્ટન શિખર ધવને ટોસ જીતીને પ્રથમ બોલિંગ કરવાનો નિર્ણય લીધો હતો. આજની મેચમાં પંજાબ કિંગ્સની ટીમમાં બે ફેરફાર કરવામાં આવ્યા છે. પ્લેઈંગ ઈલેવનમાં અથર્વ તાઈડે અને કાગીસો રબાડાને તક આપવામાં આવી છે. આ સિવાય મિશેલ માર્શની ઈજાના કારણે દિલ્હી કેપિટલ્સમાં પણ કેટલાક ફેરફાર કરવામાં આવ્યા છે.
પંજાબ કિંગ્સની પ્લેઈંગ ઈલેવન: શિખર ધવન (કેપ્ટન), અથર્વ તાઈડે, લિયામ લિવિંગસ્ટોન, જીતેશ શર્મા (વિકેટકીપર), સેમ કરણ, શાહરૂખ ખાન, હરપ્રીત બ્રાર, રાહુલ ચાહર, કાગીસો રબાડા, નાથન એલિસ, અર્શદીપ સિંહ.
અવેજી ખેલાડીઓ: પ્રભસિમરન સિંહ, સિકંદર રઝા, મેથ્યુ શોર્ટ, ઋષિ ધવન, મોહિત રાઠી.
દિલ્હી કેપિટલ્સની પ્લેઈંગ ઈલેવન: ડેવિડ વોર્નર (કેપ્ટન), પૃથ્વી શો, ફિલિપ સોલ્ટ (વિકેટકીપર), રિલે રુસો, અક્ષર પટેલ, અમન હાકિમ ખાન, યશ ધુલ, કુલદીપ યાદવ, એનરિચ નોર્ટજે, ઈશાંત શર્મા, ખલીલ અહેમદ.
અવેજી ખેલાડીઓ: મુકેશ કુમાર, અભિષેક પોરેલ, રિપલ પટેલ, પ્રવીણ દુબે, સરફરાઝ ખાન.
દિલ્હી કેપિટલ્સ પ્લે-ઓફની રેસમાંથી બહાર: પંજાબ કિંગ્સની ટીમે અત્યાર સુધી 12 મેચ રમી છે અને 6 મેચ જીતી છે. આ મેચ બાદ પંજાબ કિંગ્સની ટીમે વધુ એક મેચ રમવાની છે. જો પંજાબ કિંગ્સ આ બંને મેચ જીતે છે અને રન રેટ થોડો સારો રહે છે, તો ચોથી ટીમ તરીકે તેઓ પ્લે-ઓફની રેસમાં પોતાની જાતને સામેલ કરી શકે છે. બીજી તરફ, દિલ્હી કેપિટલ્સ આ મેચ જીત્યા પછી પણ પ્લે-ઓફમાં જશે નહીં, પરંતુ તે પોતાને સૌથી નીચા સ્તરથી ઉપર લઈ જશે.
10 ટીમોમાંથી 2 ટીમો બહાર: હાલમાં IPLમાં રમી રહેલી 10 ટીમોમાંથી સનરાઈઝર્સ હૈદરાબાદ અને દિલ્હી કેપિટલ્સ પ્લે-ઓફની રેસમાંથી બહાર થઈ ગઈ છે. આથી આજની મેચમાં શિખર ધવન બોલરોનો સારો ઉપયોગ કરીને વિરોધી ટીમ દિલ્હીને જલદીથી આઉટ કરવાનો પ્રયાસ કરશે. પરંતુ જો તે પ્રથમ બેટિંગ કરશે તો તેનો પ્રયાસ આ મેદાન પર વધુમાં વધુ રન બનાવવાનો રહેશે. પંજાબે આ મેદાન પર 232 રન બનાવ્યા છે. આટલું જ નહીં, તેણે 111 રનના માર્જિનથી જીત મેળવી છે.
ધવન સૌથી સફળ બેટ્સમેન: આ સિઝનમાં પંજાબ કિંગ્સના કેપ્ટને ટીમ માટે સૌથી વધુ રન બનાવ્યા છે. ધવને ટીમ માટે અત્યાર સુધી રમાયેલી 9 મેચમાં કુલ 356 રન બનાવ્યા છે. તેના સિવાય માત્ર ત્રણ અન્ય બેટ્સમેન 200થી વધુ રન બનાવી શક્યા છે. જેમાં સિમરન સિંહે 334, જીતેશ શર્માએ 265 અને સેમ કરને 216 રન બનાવ્યા હતા.
અર્શદીપ સિંહ સૌથી સફળ બોલર: બીજી તરફ જો બોલરોની હાલત જોવામાં આવે તો પંજાબમાં માત્ર અર્શદીપ સિંહ (16) અને નાથન એલિસ (12)એ જ સારી બોલિંગ કરી છે અને બંનેએ 10થી વધુ વિકેટ ઝડપી છે. આ સિવાય કોઈ બોલર 10 વિકેટ લેવામાં સફળ રહ્યો નથી. ત્રીજા સ્થાન પર હરપ્રીત બ્રાર છે જેણે 11 મેચમાં 9 વિકેટ લીધી છે. બોલિંગમાં રાહુલ ચહર અને સેમ કરનનું પ્રદર્શન બહુ સારું રહ્યું નથી. બંનેએ માત્ર 7-7 વિકેટ લીધી છે.
બંન્ને વચ્ચે કુલ 31 મેચ રમાઈ છે: પંજાબ કિંગ્સ અને દિલ્હી કેપિટલ્સ વચ્ચે હંમેશા નજીકની લડાઈ રહી છે. પંજાબ કિંગ્સ અને દિલ્હી કેપિટલ્સ વચ્ચે અત્યાર સુધીમાં કુલ 31 મેચ રમાઈ છે, જેમાં દિલ્હીએ 15 મેચ જીતી છે અને પંજાબ કિંગ્સે 16 મેચ જીતી છે. જો આ રીતે જોવામાં આવે તો પંજાબ દિલ્હી કેપિટલ્સ પર થોડીક આગળ છે. આ સાથે જ પંજાબ કિંગ્સે પણ છેલ્લી મેચમાં દિલ્હીને 31 રને હરાવ્યું હતું.
આ પણ વાંચો:
