IPL 2023: સનરાઈઝર્સ હૈદરાબાદ સામે લખનૌ સુપર જાયન્ટ્સનો 7 વિકેટે વિજય, પ્રેરક માંકડના અણનમ 64 રન

IPLની 58મી મેચ આજે લખનૌ સુપર જાયન્ટ્સ અને સનરાઈઝર્સ હૈદરાબાદ વચ્ચે બપોરે 3:30 કલાકે મેચ શરુ થશે રમાશે. લખનૌની ટીમ 11 મેચમાં 11 પોઈન્ટ સાથે 5મા સ્થાને છે. 10 મેચમાં 8 પોઈન્ટ સાથે પોઈન્ટ ટેબલમાં 9મા સ્થાને છે.

હૈદરાબાદ: છેલ્લી મેચમાં અણધારી જીત નોંધાવીને આશા જગાવનાર સનરાઈઝર્સ હૈદરાબાદની ટીમના બેટ્સમેનોને આજે રમાનારી ઈન્ડિયન પ્રીમિયર લીગની મેચમાં લખનૌ સુપરજાયન્ટ્સના સ્પિનરો સામે કઠિન કસોટીમાંથી પસાર થવું પડશે. લખનૌ છેલ્લી 3માંથી 2 મેચ હારી ચૂક્યું છે, પરંતુ જો તે એડન માર્કરમની આગેવાની હેઠળની સનરાઇઝર્સ ટીમને હરાવી દેશે તો તે ટોપ 4માં સ્થાન મેળવી લેશે. જ્યાં સુધી સનરાઇઝર્સની ટીમનો સવાલ છે, તે હાલમાં 10 મેચમાં આઠ પોઈન્ટ સાથે 10 ટીમોના પોઈન્ટ ટેબલમાં 9મા સ્થાને છે.

સ્પિનરોની ભૂમિકા મહત્વની રહેશે: કૃણાલ પંડ્યાની આગેવાની હેઠળની લખનૌની ટીમ 11 મેચમાં 11 પોઈન્ટ સાથે 5મા સ્થાને છે. ઉપ્પલની વિકેટ જોકે ધીમા બોલરોને મદદ કરી રહી છે અને આવી સ્થિતિમાં સ્પિનરોની ભૂમિકા મહત્વની રહેશે. લખનૌ પાસે રવિ બિશ્નોઈ, અનુભવી અમિત મિશ્રા અને કેપ્ટન કૃણાલના રૂપમાં ઉપયોગી સ્પિન ત્રિપુટી છે, જેમની સામે સનરાઇઝર્સના બેટ્સમેનોએ સંઘર્ષ કરવો પડી શકે છે. સનરાઇઝર્સની બેટિંગ ત્રણ વિદેશી ખેલાડીઓ એઇડન માર્કરામ, હેનરિક ક્લાસેન અને ગ્લેન ફિલિપ્સ પર નિર્ભર છે. હેરી બ્રુકની નિષ્ફળતાને કારણે ફિલિપ્સે પ્લેઇંગ ઇલેવનમાં સ્થાન મેળવ્યું હતું.

હૈદરાબાદ માટે બેટ્સમેનોનું ફોર્મ ચિંતાનો વિષય: વોશિંગ્ટન સુંદરની ઇજાને કારણે સનરાઇઝર્સનો સ્પિન વિભાગ નબળો પડી ગયો છે. તેની તરફથી એકમાત્ર સ્પિનર ​​મયંક માર્કંડે અત્યાર સુધી સારું પ્રદર્શન કરવામાં સફળ રહ્યો છે. હૈદરાબાદની ટીમ કાગળ પર મજબૂત લાગે છે પરંતુ તેને 2 અગ્રણી ભારતીય બેટ્સમેન મયંક અગ્રવાલ (9 મેચમાં 187 રન) અને રાહુલ ત્રિપાઠી (10 મેચમાં 237 રન)ના ખરાબ ફોર્મનું નુકસાન વેઠવું પડ્યું છે. ક્લાસેન (185.34) સિવાય, માત્ર અભિષેક શર્મા (152.63) તેના ટોચના ક્રમના બેટ્સમેનોમાં 150 થી વધુના સ્ટ્રાઈક રેટથી રન બનાવવામાં સફળ રહ્યો છે.

કેએલ રાહુલની ગેરહાજરી ટીમને મોટું નુકશાન: જ્યાં સુધી લખનૌની બેટિંગની વાત છે તો કેપ્ટન કેએલ રાહુલની ઈજાને કારણે ટીમને વધુ નુકસાન થયું નથી કારણ કે ટોપ ઓર્ડરમાં ક્વિન્ટન ડી કોક અને કાયલ માયર્સ શરૂઆતથી જ હિટ કરવામાં માહિર છે. મિડલ ઓર્ડરમાં માર્કસ સ્ટોઇનિસ અને નિકોલસ પૂરન જેવા બેટ્સમેન છે જેમણે અત્યાર સુધી કેટલીક સારી ઇનિંગ્સ રમી છે. આયુષ બદોનીએ પણ અસર કરી છે પરંતુ તે લખનૌની ધીમી વિકેટ હતી જેના પર તેના બેટ્સમેન મુક્તપણે રમી શક્યા ન હતા. લખનૌના બેટ્સમેનો અહીં વિકેટ પર તેમની આક્રમક રમતનું પ્રદર્શન કરવા ઈચ્છશે પરંતુ તેમણે ભુવનેશ્વર કુમાર અને ટી નટરાજનની ફાસ્ટ બોલિંગ જોડીથી સાવચેત રહેવું પડશે.

આ પણ વાંચો: